وفاقی تحقیقاتی ایجنسی (ایف آئی اے) نے سابقہ اہلیہ کو آن لائن ہراساں کرنے والے ملزم کو گرفتار کرلیا ہے۔
ترجمان ایف آئی کے مطابق سائبر کرائم سرکل پشاور نے خاتون کو آن لائن ہراساں کرنے والے ملزم کو یونیورسٹی روڈ پشاور سے گرفتار کرلیا ہے، گرفتار ملزم شکایت کرنے والی خاتون کا سابقہ شوہر ہے۔
یہ بھی پڑھیں: اسلام آباد: سابقہ بیوی کے قتل میں ملوث ملزم گرفتار
ملزم نے اپنی سابقہ اہلیہ کی ویڈیوز ایڈیٹ کرکے اس کے گھر والوں کو بھی بھیجی، ملزم متاثرہ خاتون کو کئی ماہ سے بلیک میل بھی کررہا تھا اور خاتون کو اس کی باقی ویڈیوز وائرل کرنے کی دھمکی بھی دیتا رہا۔
یہ بھی پڑھیں: ایف آئی اے کی کارروائی، آن لائن جنسی ہراسگی میں ملوث ملزم گرفتار
ایف آئی کے مطابق ملزم کے زیر استعمال واٹس ایپ اکاونٹ سے، قابل اعتراض مواد اور پیغامات بھی برآمد ہوئے ہیں، ملزم کو گرفتار کر کے تفتیش کا آغاز کر دیا گیا ہے۔
