بالی ووڈ دبنگ خان، سلمان خان نے کہا ہے کہ اگر میں کسی فلم کا ری میک بنانا چاہوں گا تو وہ مشہور بالی ووڈ فلم ’شعلے‘ ہے۔ میں جے اور ویرو دونوں کا کردار ادا کرسکتا ہوں لیکن میں ولین گبرکے کردار کا بھی خواہش مند ہوں۔
گزشتہ دنوں پروڈیوسر سلیم خان اور اسکرین رائٹر جاوید اختر کی زندگی پر بننے والی دستاویزی سیریز ’اینگری ینگ مین‘ ریلیز کی گئی ہے، جس کی افتتاحی تقریب میں سلمان خان اور جاوید اختر کے بیٹے فرحان اختر نے بھی شرکت کی تھی۔ کوریوگرافر فرح خان نے سلمان خان سے پوچھا کہ اگر آپ کو سلیم جاوید (سلیم خان + جاوید اختر) کی کسی فلم کو دوبارہ بنانے کا موقع ملے تو آپ کون سی فلم دوبارہ بنانا پسند کریں گے؟
مزید پڑھیں:سلمان خان کے کُل اثاثے منظرِ عام پر آگئے، اداکار کے پاس کیا کچھ ہے؟
سلمان خان نے مشہور بالی ووڈ فلم ’شعلے‘ کا نام لیا اور کہا کہ اگر میں کسی فلم کا ری میک بنانا چاہوں گا تو وہ شعلے ہے۔ میں جے اور ویرو دونوں کردار ادا کرسکتا ہوں لیکن میں ولین گبرکے کردار کا بھی خواہش مند ہوں۔
اسی حوالے سے بات کرتے ہوئے اسکرین رائٹر جاوید اختر نے کہا کہ فلم شعلے میں ولین گبر کا کردار امجد خان نے کیا تھا اور اس کردار کو اداکار سنجیو کمار اور امیتابھ بچن بھی کرنے کی خواہش کا اظہار کر چکے ہیں۔
