پاکستان تحریک انصاف (پی ٹی آئی) کے بانی چیئرمین عمران خان سے وکلا کی ملاقات نہ کرانے کے معاملے پر توہین عدالت کی کارروائی کا سامنا کرنے والے اڈیالہ جیل کے سپرینٹنڈنٹ نے سپریم کورٹ سے رجوع کرلیا۔
اسلام آباد ہائیکورٹ نے بانی پی ٹی آئی کی وکلا سے ملاقات نہ کرانے کے معاملے پر جیل سپریٹنڈنٹ کے خلاف توہین عدالت کی کارروائی کا حکم دیا تھا۔
یہ بھی پڑھیں: جیل حکام یقینی بنائیں آئندہ عمران خان کی وکلا سے ملاقات میں مسائل نہ ہوں، عدالتی حکمنامہ
جیل سپریٹنڈنٹ نے اسلام آباد ہائیکورٹ فیصلے کے خلاف سپریم کورٹ سے رجوع کیا تھا جس پر سپریم کورٹ کے رجسٹرار آفس نے اعتراض عائد کردیا تھا کہ جیل سپریٹنڈنٹ کے پاس انٹراکورٹ اپیل کا قانونی فورم موجود ہے، اس فورم کے ہوتے ہوئے سپریم کورٹ سے رجوع نہیں کیا جاسکتا۔
Superintendent Central Jail… by Syed Awad
جیل سپریٹنڈنٹ نے رجسٹرار آفس کے اعتراض کے خلاف اپیل دائر کردی ہے۔ درخواست میں مؤقف اختیار کیا گیا ہے کہ رجسٹرار آفس کا اعتراض انصاف کے قتل کے مترادف ہے، یہ کہنا قانونی طور پر درست نہیں کہ سپریم کورٹ میں اپیل قابل سماعت نہیں۔
یہ بھی پڑھیں: اسلام آباد ہائیکورٹ : عمران خان سے وکلا کی ملاقات نہ کروانے پر سپرنٹنڈنٹ اڈیالہ جیل راولپنڈی سے جواب طلب
جیل سپریٹنڈنٹ نے اپنی درخواست میں سپریم کورٹ سے استدعا کی ہے کہ رجسٹرار آفس کے اعتراضات کو کالعدم قرار دیا جائے اور مذکورہ درخواست کو نمبر الاٹ کیا جائے۔
