ایف آئی اے کراچی زون نے ویزا فراڈ اور انسانی اسمگلنگ میں ملوث 5 ملزمان گرفتار کرکے ان سے 187 پاکستانی پاسپورٹس برآمد کر لیے ہیں۔
ترجمان ایف آئی اے کے مطابق انسدادِ انسانی اسمگلنگ سرکل کی کراچی کے علاقے کلفٹن میں چھاپہ مار کارروائی کے دوران ملزمان محمد عباس، خواجہ کلیم، محسن رضا، غلام عباس اور عامر علی کو گرفتار کیا گیا۔ ملزمان شہریوں سے بیرون ملک بھجوانے کے نام پر بٹورنے میں ملوث ہیں۔
مزید پڑھیں:ایف آئی اے کی کارروائی، سابقہ اہلیہ کو ہراساں کرنے والا ملزم گرفتار
ترجمان کے مطابق ملزم بغیر لائسنس شہریوں سے پاسپورٹ وصول کر رہے تھے۔ ملزم برآمد شدہ پاسپورٹس کے حوالے سے حکام کو مطمئن کرنے میں ناکام رہے۔ ملزمان کو گرفتار کرکے تفتیش کا آغاز کر دیا گیا ہے۔
