وزیراعظم شہباز شریف نے کہا ہے کہ آئی ایم ایف کی شرائط پر اقدامات کیے جارہے ہیں، ہمیں معیشت میں استحکام اور بہتری لانی ہے۔
وزیراعظم شہباز شریف اجلاس کے زیرصدارت وفاقی کابینہ کا اجلاس جاری ہے، جس سے خطاب کرتے ہوئے وزیراعظم نے کہا ہے کہ یہ پاکستان کی تاریخ کا آخری پروگرام ہونا چاہیے۔
یہ بھی پڑھیں: ہمیں محنت کرنا ہوگی، تب ہی یہ آئی ایم ایف کا آخری پروگرام ہوگا، وزیراعظم
انہوں نے کہا کہ مہنگائی کا بوجھ آہستہ آہستہ کم ہورہا ہے، اگست میں مہنگائی کی شرح سنگل ڈیجیٹ میں آگئی ہے جس پر وزیر خزانہ، اسٹیٹ بینک اور متعلقہ وزارتیں تعریف کے لائق ہیں۔
وزیراعظم شہباز شریف نے کہا کہ سفر طویل ہے، ہم نے تیزی سے آگے بڑھنا ہے، ہمیں معیشت میں استحکام اور بڑھوتری لانی ہے، اہداف کے حصول پر توجہ مرکوز ہے۔
یہ بھی پڑھیں: آئی ایم ایف کے پاس جانا مجبوری، تلخ فیصلے نہ کیے تو 3 سال بعد پھر ایسی صورتحال کا سامنا ہوگا، وزیراعظم شہباز شریف
قبل ازیں، سماجی رابطے کی ویب سائٹ ایکس پر ایک پوسٹ میں وزیراعظم شہباز شریف نے کہا کہ ان کی توجہ عام آدمی کو ریلیف فراہم کرنے پر مرکوز ہے۔
Pakistan’s annual inflation rate has dropped to 9.6% in August, first single-digit figure in nearly 3 years according to Pakistan Bureau of Statistics.
This is not an accident! These are results!
My focus is on providing relief to the common man.Our work is not done, and a lot…
— Shehbaz Sharif (@CMShehbaz) September 3, 2024
انہوں نے کہا کہ اگست میں مہنگائی کی سالانہ شرح کم ہو کر 9 اعشاریہ 6 فیصد پر آگئی ہے، ادارہ شماریات کے مطابق تقریباً تین برسوں میں پہلی بار یہ شرح ایک ہندسے پر آئی ہے، وزیر اعظم نے کہا کہ ہمارا کام مکمل نہیں ہوا اور ہمیں مزید کام کرنے کی ضرورت ہے تاہم ہم حقیقی ترقی کررہے ہیں۔
