ٹرائل کورٹ اسلام آباد نے وزیراعلیٰ خیبرپختونخوا علی امین گنڈاپور کے وارنٹ گرفتاری منسوخ کردیے ہیں۔
گزشتہ روز ڈسٹرکٹ اینڈ سیشن کورٹس اسلام آباد نے غیر قانونی اسلحہ و شراب برآمدگی کیس میں وزیراعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری جاری کیے تھے، بہارہ کہو پولیس کو علی امین گنڈاپور کی گرفتاری کے وارنٹ موصول بھی ہوگئے تھے۔
یہ بھی پڑھیں: اسلحہ و شراب برآمدگی کیس: پشاور ہائیکورٹ نے علی امین گنڈا پور کی راہداری ضمانت منظور کرلی
ڈسٹرکٹ اینڈ سیشن کورٹس نے علی امین گنڈاپور کے ورنٹ گرفتاری ان کی عدالت میں عدم پیش کے باعث جاری کیے تھے۔
علی امین گنڈاپور نے ناقابل ضمانت وارنٹ منسوخی کے لیے ٹرائل کورٹ میں درخواست جمع کروائی تھی،عدالت کو علی امین گنڈاپور کے وکیل کی جانب سے یقین دہانی کروائی گئی کہ ان کے موکل عدالت میں پیش ہوں گے، جس پر عدالت نے ان کے وارنٹ گرفتاری منسوخ کردیے۔
یہ بھی پڑھیں: میں خود این او سی ہوں، جلسہ ہو کر رہے گا، علی امین گنڈاپور
اس سے قبل پشاور ہائیکورٹ نے علی امین گنڈاپور کی راہداری ضمانت منظور کی تھی۔
