مایہ ناز فٹبالرز کرسٹیانو رونالڈو اور لیونل میسی کے درمیان فٹبال پچ سے جڑی ازلی رقابت لگتا ہے اب قصہ پارینہ ہوجائے گی کیونکہ متعدد مرتبہ یہ اعزاز اپنے نام کرنے والے دونوں کھلاڑی رواں برس فٹبال کے انفرادی معتبر ایوارڈ گولڈن بال کی دوڑ سے 20 بعد پہلی مرتبہ باہر ہوگئے ہیں۔
یہ بھی پڑھیں: کرسٹیانو رونالڈو بمقابلہ لیونل میسی: کس کی مارکیٹ ویلیو زیادہ؟
واضح رہے کہ 1956 سے فرانسیسی میگزین ’فرانس فٹبال‘ کی جانب سے سالانہ بنیادوں پر دیا جانے والا فٹبال کا یہ انتہائی معتبر ایوارڈ ’بیلن ڈی اور‘ جسے گولڈن بال بھی کہا جاتا ہے، گزشتہ سیزن میں بہترین کارکردگی کا مظاہرہ کرنے والے کھلاڑی کو دیا جاتا ہے، تاہم اس برس دونوں عظیم کھلاڑی اسی ایوارڈ کے لیے نامزد نہیں ہوسکے ہیں۔
They're all here!
But… who should win it? #ballondor pic.twitter.com/SrkHBrJtuI
— Ballon d'Or (@ballondor) September 4, 2024
فرانس فٹبال کی جانب سے اعلان کردہ اس سال کے لیے گولڈن بال ایوارڈ کی فہرستِ نامزدگی کے ساتھ بتایا گیا ہے کہ فاتحین کا اعلان 28 اکتوبر کو پیرس میں ایک تقریب میں کیا جائے گا، جس کے لیے شائقین کھیل دونوں دیرینہ فیورٹ 2003 کے بعد پہلی بار شارٹ لسٹ نہیں ہوئے ہیں، لیونل میسی یہ ایوارڈ ریکارڈ 8 مرتبہ جبکہ کرسٹیانو رونالڈ 5 مرتبہ جیت چکے ہیں۔
گزشتہ برس کے فاتح لیونل میسی اور ان کے سخت پرتگالی حریف کرسٹیانو رونالڈو نے اس معتبر فرانسیسی ایوارڈ پر گزشتہ 2 دہائیوں تک اپنا غلبہ برقرار رکھا اور اپنے کیریئر کے عروج کے دوران 2008 سے 13 مرتبہ مشترکہ طور پر جیت کر تقریباً دو طرفہ مقابلے میں تبدیل کردیا تھا۔
مزید پڑھیں:رونالڈو اور میسی بلے بازوں کے روپ میں، ’کیا بولر ہونا جرم ہے؟‘
امریکی فٹبال کلب انٹر میامی سے وابستہ 37 سالہ لیونل میسی کو اس ایوارڈ کے لیے پہلی مرتبہ 2006 میں نامزد کیا گیا تھا جبکہ ارجنٹائن کے اس عظیم فٹبالر نے 2009 میں اپنا پہلا گولڈن بال ایوارڈ جیتا اور پھر لگاتار 4 سال تک اسے اپنے نام کرتے رہے۔
دوسری جانب 39 سالہ کرسٹیانو رونالڈو کو پہلی بار 2004 میں نامزد کیا گیا تھا، پرتگالی رونالڈو اب سعودی فٹ بال کلب النصر کے لیے کھیلتے ہیں، وہ اس سے قبل سعودی کلب کے ساتھ اپنے کیریئر کو ختم کرنے کا ارادہ رکھتے تھے لیکن اب شاید مزید 2 یا 3 سال تک وہ اس ارادے سے باز رہیں گے۔
ریال میڈرڈ کے سابق کھلاڑی کو گزشتہ ہفتے مقابلے میں ان کی ریکارڈ ساز کامیابیوں کے اعتراف میں UEFA کی جانب سے خصوصی ایوارڈ بھی مل چکا ہے۔
مزید پڑھیں: رونالڈو اور میسی کا ٹاکرا، خصوصی ٹکٹ ممتاز ٹکٹ ایک کروڑ ریال میں فروخت
اس پس منظر میں جب لیونل میسی اور نہ ہی کرسٹیانو رونالڈو دونوں ہی اس ایوارڈ کی دوڑ سے باہر ہیں، رواں برس 2 دہائیوں میں کسی بھی کھلاڑی کو پہلی بار گولڈن بال جیتنے کی ضمانت دیتا ہے، کیونکہ اس دفعہ کریم بینزیما اور لوکا موڈرک جیسے ماضی کے فاتحین کو بھی نامزد نہیں کیا گیا ہے۔
مردوں کے بیلن ڈی آر کے لیے نامزد 6 انگلش کھلاڑیوں کی فہرست میں انگلینڈ کے جوڈ بیلنگھم اور ہیری کین سرفہرست ہیں جبکہ خواتین کے ایوارڈ کے لیے لوسی برونز، لارین جیمز اور لارین ہیمپ کو نامزد کیا گیا ہے، جبکہ ریال میڈرڈ کے ونیسیئس جونیئر اور مانچسٹر سٹی کے مڈفیلڈر روڈری ایوارڈ جیتنے کے لیے ابتدائی فیورٹ ہیں۔
