آزاد کشمیر کے سیاحتی علاقے وادی نیلم میں سیاحوں کی گاڑی کو حادثہ پیش آیا ہے، جس میں اموات کی اطلاعات ہیں۔
ریسکیو 1122 کے مطابق سیاحتی مقام بابون جبڑی کے مقام پر سیاحوں کی گاڑی حادثہ کا شکار ہوئی جس کے نتیجے میں 3 افراد کے جاں بحق ہونے کی اطلاعات ہیں۔
یہ بھی پڑھیں کالام حادثہ: سیاحوں سے بھری کوسٹر کھائی میں گر گئی، 3 افراد جاں بحق 16 زخمی
ریسکیو حکام نے بتایا کہ حادثہ کا شکار ہونے والی جیپ میں 8 افراد سوار تھے، زخمی ہونے والے 5 افراد کو ڈی ایچ کیو اسپتال آٹھ مقام منتقل کردیا گیا ہے۔
ریسکیو 1122 کے مطابق حادثہ کا شکار ہونے والے افراد کا تعلق کراچی سے ہے۔
ریسکیو ذرائع نے بتایا کہ جس علاقے میں حادثہ ہوا ہے وہاں پر موبائل فون سروس نہ ہونے کی وجہ سے مکمل معلومات نہیں مل سکیں۔
یہ بھی پڑھیں بابوسر ٹاپ: سیاحوں کی وین کھائی میں جاگری، 8 افراد جاں بحق، 9 زخمی
انچارج ڈی ڈی ایم اے نے بتایا کہ ریسکیو 1122 کی ٹیم اور پولیس جائے حادثہ کی طرف روانہ ہوگئی ہے۔
