اسلام آباد کے علاقے شمس کالونی میں ڈکیتی کی واردات کے دوران مزاحمت پر دکاندار کر قتل کرنے والے 3 ملزمان گرفتار کرلیے گئے۔
یہ بھی پڑھیں: اسلام آباد پولیس کی کارروائی، ڈکیتی اور چوری کی وارداتوں میں مطلوب 4 ملزمان گرفتار
پولیس کے مطابق گرفتار ملزمان کے قبضے سے واردات میں استعمال ہونے والی 2 موٹر سائیکلیں، 3 پستول اور چھینے گئے قیمتی کاغذات و نقدی برآمد بھی کرلی گئی۔
ملزمان نے گن پوائنٹ پر مزید رہزنی کی وارداتوں کا اعتراف کیا۔ ملزمان موٹر سا ئیکلوں پر سوار ہوکر اسلحے کی نوک پر راہگیروں اور دکانداروں کو لوٹتے تھے اور مزاحمت پر شہریوں پر فائرنگ کر دیتے تھے۔
گرفتار ملزمان کے خلاف تھانہ شمس کالونی میں متعدد مقدمات درج ہیں۔
مزید پڑھیے: اسلام آباد میں چوری، ڈکیتی اور قتل کے واقعات میں اضافہ، پولیس کیا کر رہی ہے؟
ڈی آئی جی اسلام آباد ڈی آئی جی سید علی رضا کی پولیس ٹیم کو شاباش دیتے ہوئے کہا کہ ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔
ڈی آئی جی نے مزید کہا کہ منظم اور متحرک گینگز کے خلاف بڑے پیمانے پر کاروائیوں عمل میں لائی جارہی ہے۔
