اسلام آباد کے سینٹورس مال کے قریب زاہد خان انتہائی مناسب قیمتوں پر لیپ ٹاپ فروخت کرتے ہیں، جو عام لوگوں کے لیے آسانی سے خریدنے کے قابل ہیں۔ زاہد خان کا دعویٰ ہے کہ ان کے پاس مارکیٹ کے مقابلے میں سب سے سستے لیپ ٹاپ موجود ہیں کیونکہ وہ تھوک کی قیمت پر فروخت کرتے ہیں، خاص وجہ یہ بتائی کہ دکان کا کرایہ یا بل ادا کرنے کا بوجھ نہیں ہوتا، اور سستے داموں فروخت کرتے ہیں۔
زاہد خان نے اسلام آباد میں مختلف مقامات پر لیپ ٹاپ فروخت کرنے کے لیے مخصوص مقامات کا انتخاب کیا ہے، جہاں وہ ہر مشین کو مکمل وارنٹی کے ساتھ فروخت کرتے ہیں۔ ان کا کہنا ہے کہ ہر لیپ ٹاپ مکمل طور پر فعال حالت میں ہوتا ہے اور وہ شہریوں کو ان کے مکمل اطمینان کے بعد ہی لیپ ٹاپ فروخت کرتے ہیں۔
