ایس این جی پی ایل نے سوئی گیس بلوں میں سیکیورٹی کے نام پر اضافی رقم وصول کرنا شروع کردی ہے، جو قسطوں میں صارفین ماہانہ گیس بل کے ساتھ ادا کریں گے۔ رواں ماہ کے بلوں میں ایک مختصر نوٹ بھی لکھا گیا ہے جس میں صارف کو اس حوالے سے بتایا بھی گیا ہے۔
ایس این جی پی ایل نے رواں ماہ کے بلوں میں سیکیورٹی کے نام پر باقاعدہ ٹیکس وصول کرنے کا آغاز کردیا ہے۔ بل میں لکھا ہے کہ پہلے مرحلے میں سیکیورٹی ڈیپازٹ کی کمی کو پورا کرنے کے لیے اوگرا کے فیصلے کے مطابق اضافی روم (پانچ سو روپے) شامل کیا گیاہے، جو 12ماہ کے اندر پورا ہوگا۔
گیس بلوں میں سیکیورٹی ڈیپازٹ ہے کیا؟
پشاور میں ایس این جی پی ایل کے ترجمان نے بتایا کہ کمپنی نے اوگرا کے حکم کے مطابق سیکیورٹی ڈیپازٹ وصولی کا آغاز کیا ہے اور بلوں میں قسطوں کی صورت وصول کیے جا رہے ہیں۔
مزید پڑھیں: گیس لوڈشیڈنگ اور بلوں میں اضافے کیخلاف کوئٹہ میں احتجاج
انہوں نے سیکیورٹی وصولی کی وضاحت کی اور بتایا کہ سیکیورٹی ڈیپازٹ دراصل گیس میٹر کی سیکیورٹی ڈیپازٹ ہے جو اوگرا نے 6400 کردی ہے، اور ہر صارف سے میٹر سیکیورٹی میں کمی کو پورا کرنے کے لیے سیکیورٹی ڈیپازٹ کو بلوں میں شامل کیا گیا ہے۔
انہوں نے بتایا کہ پہلے سے جن صارفین نے ادائیگی کی ہے ان سے وصول نہیں کیے جا رہے جبکہ جن کی کم ہے یا بالکل بھی نہیں ہے ان سے وصول کیے جا رہے ہیں۔
خیبرپختونخوا کے صارفین گیس بلوں سے پہلے ہی تنگ تھے، اب سیکیورٹی ڈیپازٹ کے نام پر اضافی وصولی سے پریشان دیکھائی دیتے ہیں۔ صارفین کے مطابق گھریلو استعمال کے لیے گیس کی لوشیڈنگ ہورہی ہے، جبکہ گھر میں کھانا پکانے کے اوقات میں بھی گیس پریشر کا بڑا ایشو ہوتا ہے، اضافی وصولی ناانصافی ہے۔
یہ بھی پڑھیں: صارفین گیس کے بل کا 10 فیصد جمع کرائیں، بلوچستان ہائیکورٹ
قسطوں میں وصول کررہے تاکہ صارفین پر بوجھ نہ ہو
ترجمان ایس ایل جی پی ایل نے واضح کیا کہ سکیورٹی کا فیصلہ اوگرا کا ہے، جس کے بعد ماہانہ بل وصول کرنے کا آغاز کیا گیا ہے۔
انہوں نے بتایا کہ کمپنی نے فیصلہ کیا ہے کہ میٹر سیکیورٹی ڈیپازٹ قسطوں میں لی جائے گی تاکہ صارف پر بوجھ نہ پڑے۔ زیادہ سے زیادہ 5روپے ہے اس سے زیادہ نہیں ہے تاکہ آسانی سے ادائیگی کی جا سکے۔
