ایپل واچ سیریز 10 کو متعارف کرادیا گیا ہے جس کی اہم خوبیوں میں تیز رفتاری سے چارجنگ بھی شامل ہے۔
یہ بھی پڑھیں: ایپل کے آئی فون 16 میں کیا خاص بات ہے؟
کمپنی نے اس مرتبہ تھوڑا پتلا ڈیزائن پیش کیا ہے اور گزشتہ ماڈلز کے مقبالے میں کچھ بڑی اسکرینز اور کچھ سافٹ ویئر فیچرز بھی شامل کیے گئے ہیں۔
خوبیاں
ایپل واچ سیریز 10 میں چارجنگ کا معاملہ پہلے بھی بہت بہتر ہے۔ سیریز 10 میں پچھلے شیشے کے نیچے نئی کوائلز ہیں جو اسے 30 منٹ میں 80 فیصد تک چارج کردیتی ہیں۔
اس کا مکمل چارج 18 گھنٹے تک رہتا ہے۔
مزید پڑھیے: امریکا کی 15 ریاستوں نے ایپل کے خلاف اجارہ داری کا مقدمہ درج کر دیا
اس کی اسکرینیں قدرے بڑی ہیں جو پلے لسٹ میں گانے کو ٹائپ کرنے اور منتخب کرنے یا بٹنوں پریس کرنے کے لیے ایک اچھی بات ہے کیوں کہ جب آپ کسی ٹیکسٹ میسج کے فوری جواب دینے کی کوشش کر رہے ہوتے ہیں تو بڑے ڈسپلے سے بہت فرق پڑتا ہے۔
نئے اسپیکرز بھی کافی پسند کیے جا رہے ہیں جو آپ کو ہیڈ فون استعمال کیے بغیر پوڈ کاسٹ، موسیقی یا آڈیو بکس سننے میں مدد دیتے ہیں۔
ایپل نے نئی خصوصیات شامل کی ہیں جیسے کہ نیند کی کمی کا پتا لگانے کا آپشن۔
کیا آپ کو اسے خریدنا چاہیے؟
ایپل واچ سیریز 10 ان لوگوں کے لیے ایک بہترین خریداری ہے جو پہلی بار ایپل واچ خرید رہے ہیں۔ اس میں آپ کو ایک نئی چپ، ایک بڑی اسکرین، ایک پتلا ڈیزائن اور تیز چارجنگ ملتی ہے۔
لیکن اگر آپ ڈائیونگ یا ہائیکنگ کے شوقین ہیں تو آپ کو اضافی درست جی پی ایس کی ضرورت ہوتی ہے۔
علاوہ ازیں بیٹری لائف بھی زیادہ درکار ہوتی ہے تو پھر ایپل واچ سیریز 10 کے بجائے آپ کے لیے Apple Watch Ultra 2 بہتر رہے گی۔
