پاکستان تحریک انصاف (پی ٹی آئی) نے راولپنڈی میں جلسے کے لیے 3 مقامات تجویز کرلیے ہیں اور آج ہی این او سی کے لیے درخواست دائر کیے جانے کا امکان ہے۔
یہ بھی پڑھیں میانوالی کا جلسہ منسوخ، عمران خان کا 28 ستمبر کو راولپنڈی میں جلسہ کرنے کا اعلان
ذرائع کے مطابق پی ٹی آئی کی مشاورتی کمیٹی کا اجلاس ہوا جس میں 28 ستمبر کو راولپنڈی میں ہونے والے جلسے کے حوالے سے مشاورت کی گئی۔
ذرائع نے بتایا کہ پی ٹی آئی نے لیاقت باغ، شمس آباد اور بھاٹا چوک میں سے کسی ایک جگہ پر جلسہ کے لیے اجازت مانگی ہے، ضلعی انتظامیہ کا فیصلہ آنے کے بعد آئندہ کا لائحہ عمل طے کیا جائے گا۔
یہ بھی پڑھیں 3 روز بعد علی امین گنڈاپور کا اٹک پل پر انتظار کریں گے، وزیر دفاع خواجہ آصف
واضح رہے کہ وزیراعلیٰ خیبرپختونخوا علی امین گنڈاپور نے 29 ستمبر کو میانوالی میں جلسے کا اعلان کیا تھا، تاہم آج عمران خان نے میانوالی جلسہ منسوخ کرتے ہوئے 28 ستمبر کو راولپنڈی میں جلسے کا اعلان کیا۔
