سینیئر اداکار بہروز سبزواری نے چائلڈ ایکٹر کے طور پر شوبز انڈسٹری میں قدم رکھا تھا اور وہ انڈسٹری میں گزشتہ 5 دہائیوں سے کام کررہے ہیں،ان کی صلاحیتوں کو ان کے ناقدین بھی سراہتے ہیں۔
یہ بھی پڑھیں: بہروز سبزواری کے خواتین سے متعلق متنازع بیانات، اداکارہ نادیہ خان کیا کہتی ہیں؟
بہروز سبزواری کا شمار ان تجربہ اداکاروں میں ہوتا ہے جنہوں نے شوبز انڈسٹری کو بدلتے اور ترقی کرتے دیکھا ہے اور وہ اس بات کی نشاندہی کرسکتے ہیں کہ اس انڈسٹری کے ارتقا کے دوران کیا غلط یا صحیح ہوا۔
گپ شب وِد واسع چوہدری میں بات کرتے ہوئے بہروز سبزواری نے بتایا کہ موجودہ جونیئر اداکاروں میں ان کے پسندیدہ اداکار کون ہیں۔ انہوں نے بتایا کہ اداکار فواد خان اور ماہرہ خان نے ان کے ساتھ ڈرامے ’ہمسفر‘ میں کام کیا اور اس شو کے بعد وہ دونوں سپر اسٹار بن گئے۔
یہ بھی پڑھیں: عمران خان سے متعلق بہروز سبزواری کے بیان پر ہنگامہ پربا
’فواد خان اور ماہرہ خان میرے فیورٹ ہیں کیونکہ فواد بہت نفیس ہیں جبکہ ماہرہ ہمسفر کے دنوں سے ذرا بھی نہیں بدلی ہیں۔‘
سینیئراداکار نے اداکاری کے میدان میں بہت سے نئے چہروں کی انٹری کے بارے میں بھی بات کی جنہیں وہ اس فن سے مخلص نہیں پاتے۔
یہ بھی پڑھیں: پاکستانی ڈرامے کا عروج و زوال
انہوں نے کہا ’یہ بچے صرف اس لیے انڈسٹری میں آئے ہیں کہ وہ مشہور ہونا چاہتے ہیں، وہ اداس مناظر میں بھی مکمل میک اپ میں نظر آتے ہیں کیونکہ وہ اپنے فن سے زیادہ اسکرین پر اپنی ظاہری شکل کا خیال رکھتے ہیں۔‘