وزیراعلیٰ پنجاب مریم نواز شریف نے کہا ہے کہ الحمدللہ اپنی پہلی تقریر میں کیا ایک اور وعدہ پورا کردیا ہے۔ ہونہار اسکالرشپ پروگرام کا آغاز اہم سنگ میل ہے۔ ہونہار اسکالرشپ نوجوانوں کے اعلیٰ تعلیم کے خواب پورے کرے گا۔
لاہور میں تقریب سے خطاب میں مریم نوازشریف نے کہا کہ ہونہار اسکالرشپ پروگرام مستحق اور ہونہار طلبہ کے لیے معیاری تعلیم تک رسائی یقینی بنائے گا۔ ہونہار اسکالرشپ پروگرام اعلیٰ تعلیم کے لیے ذہین طلبہ کی مالی رکاوٹو ں کو ختم کرے گا۔ نوجوانوں کو اعلیٰ تعلیم اور بہترین روزگار فراہم کرنا چاہتے ہیں۔
وزیراعلی پنجاب مریم نوازشریف نے ایک اور وعدہ پورا کردیا
وزیراعلیٰ پنجاب مریم نواز شریف کی ہدایت پر ہونہار اسکالر شپ پروگرام کی رجسٹریشن شروع ہو گئی ہے۔ عالمی جاب مارکیٹ کے تقاضوں کے مطابق ہونہار اسکالر شپ پروگرام کے تحت 68 ڈسپلنز میں سالانہ 30 ہزار طلبہ کو اسکالر شپ دیا جائے گا۔
مزید پڑھیں:پنجاب میں جھینگے کی فارمنگ کا پائلٹ پراجیکٹ، مریم نواز نے مراعات کا اعلان کردیا
50 پبلک سیکٹر یونیورسٹیز، 16میڈیکل کالجز اور 131 گریجوایٹ کالجز کے طلبہ کو ہونہار اسکالرشپ دیا جائے گا۔ ہونہار اسکالر شپ لمز، فاسٹ، کامسٹ، نسٹ، غلام اسحاق خان انسٹی ٹیوٹ اور 7 مزید ٹاپ پرائیویٹ یونیورسٹیز کے طلبہ کو دیا جائے گا۔
ہونہار اسکالر شپ پروگرام کے تحت 8 سال میں 130 ارب روپے کے وظائف فراہم کیے جائیں گے۔ ہونہار اسکالر شپ پروگرام سے آئندہ 4 برس میں ایک لاکھ 20 ہزار طلبہ مستفید ہوں گے۔
طلبہ CM Scholarships Program (punjabhec.gov.pk) پر اپلائی کر سکتے ہیں۔
