وزیراعلیٰ پنجاب مریم نوازشریف نے نابینا افراد کے احتجاج پر نوٹس لیتے ہوئے ان سے کسی قسم کی سختی نہ کرنے کی ہدایت کی ہے۔
وزیراعلیٰ نے چیف سیکریٹری پنجاب زاہد اختر زمان کو ہدایت کی ہے کہ نابینا افراد سے بات چیت کرکے ان کا مسئلہ حل کیا جائے۔
یہ بھی پڑھیں معذور افراد کو مفت پک اینڈ ڈراپ سروس دینے والا رکشہ ڈرائیور
مریم نواز نے نابینا افراد کے تشدد سے زخمی پولیس اہلکاروں سے اظہار ہمدردی کیا۔
انہوں نے سڑک واگزار کرانے کے دوران پولیس کے سر پھاڑنے کے باوجود نابینا افراد کے ساتھ تحمل سے پیش آنے کی ہدایت کی۔
وزیراعلیٰ نے پولیس کو ہدایت کی یہ لوگ اسپیشل افراد ہیں، ان کے مسائل کا ہمیں احساس ہے، اس لیے تحمل کا مظاہرہ کریں۔
یہ بھی پڑھیں مصنوعی ذہانت پر مشتمل آنکھ کے ساتھ اب ہر نابینا ’دیکھ‘ سکے گا
واضح رہے کہ نابینا افراد لاہور فیصل چوک میں اپنے مطالبات کے حق میں دھرنا دیے ہوئے ہیں، جنہوں نے سڑک واگزار کرانے کی کوشش پر پولیس اہلکاروں پر تشدد کیا۔
