جنوبی ویتنام کے مختلف چڑیا گھروں میں برڈ پھیلنے کے سبب 47 شیر و ببر شیر ہلاک ہوگئے۔
غیر ملکی میڈیا کے مطابق ملک کی وزارت صحت نے جمعرات کو ایک بیان میں کہا ہے کہ ڈونگ نائی صوبے کے مینگو گارڈن ریزورٹ میں مردہ شیروں سے لیے گئے 2 نمونوں میں برڈ فلو کے H5N1 اسٹرین کی موجودگی پائی گئی۔
ڈونگ نائی صوبے کے سینٹر فار ڈیزیز کنٹرول کے ایک اہلکار فان وان فوک نے بیان میں کہا کہ گزشتہ ماہ کے اوائل سے 20 شیر ریزورٹ میں مرغی کھانے کے بعد جان سے ہاتھ دھوبیٹھے تھے۔
انہوں نے کہا کہ یہ امکان ہے کہ شیر بیمار چکن سے متاثر ہوئے ہوںاور حکام اس وجہ کا تعین کرنے کے لیے مرغی کے ماخذ کا پتا لگا رہے ہیں۔
سرکاری میڈیا نے پہلے کہا تھا کہ اگست اور ستمبر میں لانگ این صوبے کے پرائیویٹ مائی کوئنہ سفاری پارک اور ہو چی منہ سٹی کے قریب ڈونگ نائی کے ووون زوئی چڑیا گھر میں کل 47 شیر، 3 شیر اور ایک پینتھر ہلاک ہوا۔
بدھ کو سرکاری ویتنام نیوز ایجنسی کی طرف سے رپورٹ کردہ نیشنل سینٹر فار اینیمل ہیلتھ ڈائیگنوسس کے ٹیسٹ کے نتائج کے مطابق جانوروں کی موH5N1 کی قسم A وائرس کی وجہ سے ہوئی۔
وی این اے کی رپورٹ میں مزید کہا گیا تھا کہ جانوروں سے رابطے میں رہنے والے چڑیا گھر کے عملے کے کسی رکن کو سانس کی تکلیف کا سامنا نہیں۔
ایجوکیشن فار نیچر ویتنام ایک غیر سرکاری تنظیم ہے جو جنگلی حیات کے تحفظ پر مرکوز ہے۔ اس تنظیم کا کہنا ہے کہ سنہ 2023 کے آخر تک ویتنام میں 385 شیر تھے۔
تقریباً 310 کو 16 نجی ملکیتی فارموں اور چڑیا گھروں میں رکھا گیا ہے جبکہ باقی سرکاری سہولیات میں ہیں۔
ورلڈ ہیلتھ آرگنائزیشن (ڈبلیو ایچ او) کا کہنا ہے کہ سنہ 2022 کے بعد سے برڈ فلو و انفلوئنزا وائرس کی وجہ سے ممالیہ جانوروں میں مہلک وبا پھیلنے کی رپورٹس میں اضافہ ہو رہا ہے۔
تنظیم کا کہنا ہے کہ H5N1 انفیکشن انسانوں میں ہلکی اور شدید دونوں نوعیت کا ہوسکتا ہے تاہم بعض صورتوں میں یہ جان لیوا بھی ثابت ہوجاتا ہے۔
تھائی لینڈ میں سنہ 2004 میں دنیا کے سب سے بڑے بریڈنگ فارم میں درجنوں شیر برڈ فلو سے مارے گئے تھے۔
