ملائیشیا کے وزیراعظم انورابراہیم کی دعوت پر حافظ نعیم الرحمان کی قیادت میں جماعت اسلامی کے وفد نے اُن سے ملاقات کی ہے۔
اسلام آباد – ملائیشیا کے وزیراعظم ڈاکٹر انورابراہیم سے امیر جماعت اسلامی حافظ نعیم الرحمن کی ملاقات۔
پاکستان اور ملائیشیا کے باہمی تعلقات، غزہ کی صورتحال اور امت مسلمہ کے اہم امور زیربحث آئے۔ ملائیشیا میں مقیم پاکستانیوں کے مسائل پر بھی گفتگو ہوئی۔
اس موقع پر ڈاکٹر انورابراہیم… pic.twitter.com/eCNWqL9bF0— Jamaat e Islami Pakistan (@JIPOfficial) October 4, 2024
جماعتِ اسلامی کے ترجمان مطابق ملاقات 45 منٹ تک جاری رہی، اس دوران غزہ اور لبنان میں اسرائیلی جارحیت روکنے کے حوالے سے کردار ادا کرنے پر اتفاق کیا گیا۔
ترجمان جماعتِ اسلامی کے مطابق ملائیشیا میں زخمی فلسطینیوں کی دیکھ بھال پر حافظ نعیم الرحمان نے وزیراعظم انور ابراہیم کو خراج تحسین پیش کیا۔ جب کہ پاکستان اور ملائیشیا کے باہمی تعلقات اور امت مسلمہ کے اہم امور زیر بحث آئے۔
ترجمان جماعت اسلامی کے مطابق اس موقع پر ملائیشیا میں مقیم پاکستانیوں کے مسائل پر بھی گفتگو ہوئی۔ اس موقع پر ڈاکٹر انورابراہیم نے حافظ نعیم الرحمن کو کلیات اقبال تحفے میں پیش کی۔
یہ بھی پڑھیں:سب کو اپنی آئینی پوزیشن پر واپس جانا ہوگا ورنہ انتشار بڑھے گا، حافظ نعیم الرحمان
جماعت اسلامی کے مرکزی سیکرٹری جنرل امیرالعظیم اور ڈائریکٹر امور خارجہ آصف لقمان قاضی بھی ملاقات میں موجود تھے
جماعتِ اسلامی کے مطابق اس موقع پر ملیشیا کے وزیر اعظم ملائیشیا انور ابراہیم نے امیر جماعت اسلامی حافظ نعیم الرحمٰن کو ملائیشیا آنے کی دعوت بھی دی۔
واضح رہے کہ ملائیشیا کے وزیراعظم، پاکستان کے دو روزہ دورے پر تھے، جہاں انہوں نے وزیراعظم پاکستان شہبازشریف، صدر مملکت آصف علی زرداری اور چیف آف آرمی جنرل عاصم منیر سمیت اعلیٰ حکام سے ملاقاتیں کیں۔
وزیراعظم ملائیشیا پاکستان کا دو روزہ دورہ مکمل کرکے آج واپس روانہ ہوگئے ہیں۔
