وزیراعظم شہباز شریف نے کہا ہے کہ سیاسی مخالفین کو پاکستان کی معیشت میں بہتری ہضم نہیں ہو رہی جبکہ دنیا پاکستان کی معاشی پالیسیوں کی معترف ہے، سیاسی مخالف پاکستان کی ترقی میں رخنہ ڈالنا چاہتے ہیں لیکن کسی کو غیر قانونی طور پر عدم استحکام پیدا نہیں کرنے دیں گے۔
یہ بھی پڑھیں:علی امین گنڈاپور ہماری حراست میں نہیں، وہ خود بھاگے ہیں، محسن نقوی
وزیراعظم سے وفاقی وزیر داخلہ محسن نقوی نے ملاقات کی اور انہیں دارالحکومت اسلام آباد کی صورتحال سے متعلق بریفنگ دی۔ اس موقع پر وزیر داخلہ نے انہیں آگاہ کیا کہ دارالحکومت کی اہم شاہراہیں ٹریفک کے لیے کھول دی گئی ہیں جبکہ صورتحال تیزی سے معمول پر آ رہی ہے۔
اس موقع پر وزیر اعظم نے وزیر داخلہ، اسلام آباد انتظامیہ اور پولیس کی کارکردگی کو سراہاتے ہوئے کہا کہ اسلام آباد پر دھاوے کو ناکام بنانے میں اسلام آباد پولیس، پنجاب پولیس، رینجرز کے دستوں اور فورسز نے امن و امان کی صورتحال برقرار رکھنے میں کلیدی کردار ادا کیا۔
وزیر اعظم نے اسلام آباد پولیس کے کانسٹیبل عبدالحمید شاہ نے عوام کے جان و مال کا تحفظ کرتے ہوئے جام شہادت نوش کیا، اللہ تعالیٰ ان کے درجات بلند فرمائیں، ان کی قربانی قوم ہمیشہ یاد رکھے گی۔
یہ بھی پڑھیں:محسن نقوی کا پولی کلینک اسپتال اور ڈی چوک کا دورہ، زخمی پولیس اہلکاروں سے ملاقات
وزیر اعظم نے کہا کہ کانسٹیبل کے اہل خانہ کے دکھ میں برابر کے شریک ہیں۔ شہباز شریف نے محسن نقوی کو ہدایت کی کہ ان کے اہل خانہ کا مکمل طور پر خیال رکھا جائے۔
وزیراعظم شہباز شریف کا کہنا تھا کہ اسلام آباد کے شہریوں کی جان و مال کے حفاظت کو یقینی بنایا گیا، صورتحال تیزی سے معمول کی طرف لوٹ رہی ہے، معیشت کی ترقی اور مملکت خداداد کی خوشحالی ہماری اولین ترجیح ہے۔
وزیراعظم شہباز شریف کا کہنا تھا کہ سیاسی مخالفین کو پاکستان کی معیشت میں بہتری ہضم نہیں ہو رہی جبکہ دنیا پاکستان کی معاشی پالیسیوں کی معترف ہے، سیاسی مخالف پاکستان کی ترقی میں رخنہ ڈالنا چاہتے ہیں لیکن کسی کو غیر قانونی طور پر عدم استحکام پیدا نہیں کرنے دیں گے۔
یہ بھی پڑھیں:علی امین گنڈاپور کہاں ہیں، صحافی کے سوال پر محسن نقوی نے کیا بتایا؟
وزیراعظم نے کہا کہ پاکستان میں ہونے والی بین الاقوامی تقاریب معمول کے مطابق ہوں گی جس کے لیے سکیورٹی کے بہترین اور اعلیٰ معیار کے انتظامات کیے جا رہے ہیں۔
سری لنکا میں پاکستانی قیدی
اس موقع پر ہونے والی ملاقات میں وزیر داخلہ نے وزیر اعظم کو سری لنکا سے پاکستانی قیدیوں کی واپسی پر بھی بریفنگ دی کہ سری لنکا میں قید 56 پاکستانی قیدی آج وطن واپس پہنچیں گے، عبدالعلیم خان پاکستانی قیدیوں کی واپسی کے اخراجات برداشت کریں گے۔ وزیر اعظم نے وزیر داخلہ اور وزیر نجکاری کی کوششوں کی تعریف کی۔
