پاکستان فٹبال فیڈریشن نے رواں ماہ نیپال میں ہونے والی ساؤتھ ایشین فٹبال فیڈریشن (ساف) ویمنز چیمپیئن شپ 2024 کے لیے حتمی اسکواڈ کا اعلان کر دیا۔
چیمپئن شپ 17 سے 30 اکتوبر تک نیپال کے شہر کھٹمنڈو میں کھیلی جائے گی۔
یہ بھی پڑھیں: فٹبال چیمپیئن شپ 2024: پاکستان ویمن ٹیم 17 اکتوبر کو روایتی حریف بھارت کے مقابل ہوگی
اسکواڈ میں گول کیپر نشا اشرف، مافیا پروین اور رومیسا خان، ڈیفنڈرز میں کائلہ صدیقی، مشال بھٹی، سارہ خان، نزالیہ صدیقی، صوفیہ قریشی، فاطمہ ناصر اور مہرین خان، مڈ فیلڈرز میں سوہا ہیرانی، ماریہ خان، ثناء مہدی، آمنہ حنیف، رامین فرید اور کائنات بخاری جبکہ فارورڈز میں نادیہ خان، ظہمینہ ملک، اسرا خان، انمول حرا، انوشے عثمان اور عالیہ صادق شامل ہیں۔
قومی ٹیم 12 اکتوبر کو اسلام آباد سے براستہ دبئی نیپال روانہ ہوگی۔
مزید پڑھیے: اسپین نے انگلینڈ کو ہرا کر پہلی بار فیفا کا ویمن فٹبال ورلڈ کپ اپنے نام کر لیا
پاکستان اپنی مہم کا آغاز 17 اکتوبر کو بھارت کے خلاف میچ سے کرے گی۔ پاکستان ویمن فٹ بال ٹیم کا گروپ مرحلے میں 20 اکتوبر کو بنگلہ دیش کے ساتھ مقابلہ ہوگا۔ دونوں میچ شام 4 بجکر 45 منٹ پر کھیلے جائیں گے۔
