سیکیورٹی فورسز نے بروقت کارروائی کرتے ہوئے بلوچستان کو بڑی دہشتگردی سے بچا لیا اور 280 کلوگرام دھماکا خیز مواد برآمد کرلیا ہے۔
رپورٹس کے مطابق بلوچستان کے شہر تربت میں سیکیورٹی فورسز نے کارروائی عمل میں لائی اور اس دوران دھماکا خیز مواد برآمد ہوا۔
یہ بھی پڑھیں وفاقی حکومت کا بلوچستان میں سیکیورٹی فورسز کو خصوصی اختیارات دینے کا فیصلہ
دھماکہ خیز مواد کو ایک گاڑی میں نصب کیا گیا تھا اور اسے تربت میں دہشتگردانہ کارروائی کے لیے استعمال کیا جانا تھا۔
سیکیورٹی فورسز کی جانب سے بروقت کارروائی سے دہشتگردوں اور ان کے سہولت کاروں کے ناپاک عزائم خاک میں ملا دیئے گئے۔
دفاعی ماہرین کا کہنا ہے کہ بروقت کارروائی اور بہترین حکمت عملی نے ثابت کردیا ہے کہ سیکیورٹی فورسزملکی دفاع کے لیے پرعزم ہیں۔
یہ بھی پڑھیں بھارت پاکستان میں دہشتگردی کی فنڈنگ کررہا ہے، وزیرداخلہ بلوچستان
دفاعی ماہرین کے مطابق دہشتگرد اور ان کے سہولت کاروں کی اس منصوبہ بندی سے ثابت ہوتا ہے کہ وہ بلوچستان میں ترقی کے عمل کو روکنا چاہتے ہیں۔ تاہم سیکیورٹی فورسز بلوچستان کے امن کو تباہ کرنے والے دہشتگردوں کو نشان عبرت بنائیں گی۔
