پنجاب اسمبلی میں پی ٹی آئی رکن کرنل ریٹائرڈ شعیب امیر نے ڈی پی او لیہ کو کرپٹ ترین قراردیتے ہوئے کہا ہے کہ وہ ڈی پی او لیہ کو پیسے دے کر اسپیکر پنجاب اسمبلی پر جھوٹا مقدمہ درج کروا سکتے ہیں۔
پنجاب اسمبلی میں اظہار خیال کرتے ہوئے پی ٹی آئی رکن اسمبلی کرنل ریٹائرڈ شعیب امیر نے کہا کہ ہمیں دیوار میں چنوایا جا رہا ہے کہیں ایسا نہ ہو آپ کو دیوار میں چنوا کر اوپر سے فائرنگ ریُنج کروا دیں، ڈی پی لیہ کرپٹ ترین افسر ہیں، اگر کہیں تو وہ پیسے دے کر اسپیکر پنجاب اسمبلی پر جھوٹا مقدمہ درج کروا سکتا ہوں۔
یہ بھی پڑھیں: عدالتی ایکٹوازم نے پارلیمانی حقوق سلب کیے، اسپیکر پنجاب اسمبلی
وزیر قانون صہیب بھرتھ نے پی ٹی آئی رکن کو جواب میں کہا کہ ہم نے بڑی بڑی باتیں نہیں کرنی 100 200 فیصد بھی نہیں ہوا, یاد ہے ہمارے ساتھ کیا کیا ہوتا رہا، سیاسی کارکنان برابر ہوتے ہیں جب سرگودھا میں ہمارے کارکنوں کو اٹھانے پر بات کی تو راجہ بشارت نے کہا کہ پتہ نہیں کون ن لیگ کے ورکرز کو اٹھا کر لے گئے۔
اسپیکر ملک احمد خان نے کہا کہ سیاسی کارکن یا چادر چار دیواری کو پامال کیا گیا تو اس پر بات کریں گے، یا جلائو گھیرائو ہوسکتا ہے یا 9 مئی ہو سکتی ہے یا کسی نے قانون میں ہاتھ میں لے لیا تو کچھ نہیں کہہ سکتا، ڈی پی او نے زیادتی کی سیاسی ورکر تھے پیٹرول بم نہیں بنا رہے تھے تو پھر اس کو دیکھیں گے۔
پی ٹی آئی کے گرفتار ایم پی ایز کے پروڈکشن آرڈر جاری
اسپیکر پنجاب اسمبلی نے پی ٹی آئی کے گرفتار ایم پی ایز کے لیے پروڈکشن آرڈر جاری کرنے کی ہدایت کرتے ہوئے کہا کہ ارکان اسمبلی کی گرفتاری پر افسوس ہے پولیس کو بتا دیا کہ گرفتاری سے پہلے بتانا ہے کیوں گرفتار کررہے ہیں، 4 سے 5 ارکان اسمبلی کے پروڈکشن آرڈر جاری کیے گئے اس کے باوجود رہا کیوں نہ ہوئے؟ احسن ریاض کا معاملہ وزیر قانون دیکھیں گے۔
’بانی پی ٹی آئی کی تصویر والے بینرز پنجاب اسمبلی میں لانے پر پابندی‘
ن لیگی رکن اسمبلی احمد احسن اقبال نے ایوان میں بانی پی ٹی آئی کی تصاویر پر مبنی بینرز پر اعتراض اٹھاتے ہوئے کہا کہ جو رولز میں ترمیم کی گئی اس کے مطابق نعروں یا بانی پی ٹی آئی کی تصاویر پر مبنی بینرز ایوان میں لانے کی پابندی ہوگی۔
یہ بھی پڑھیں: عسکری اداروں کے خلاف پروپیگنڈا کرنے والے ثبوت کے ساتھ پکڑے گئے، اسپیکر پنجاب اسمبلی
احمد احسن اقبال اگر بینرز ایوان سے باہر نکال دیں گے تو حکومتی بینچز اس کی حوصلہ افزائی کریں گے، 80 فیصد قوانین وہ بنائے گئے ہیں جس کا فائدہ براہ راست اپوزیشن کو زیادہ ہوگا
احمد احسن اقبال کے اعتراض پر اپوزیشن اراکین بانی پی ٹی آئی کی تصاویر والے بینرز ایوان سے باہر لے گئے۔
