قدرتی آفات کے خطرات میں کمی کے عالمی دن پر وزیر اعلیٰ پنجاب مریم نواز شریف نے اپنے پیغام میں کہا کہ قدرتی آفات سے نمٹنے کے لیے شعور، تیاری اور مؤثر منصوبہ بندی کی ضرورت ہے۔ پنجاب حکومت عوام کے تحفظ کے لیے جدید دور کے تقاضوں کے مطابق ہنگامی حالات کی منصوبہ بندی کررہی ہے۔
وزیر اعلیٰ پنجاب مریم نواز شریف نے اپنے پیغام میں کہا کہ پنجاب میں ایئرایمبولینس اور موٹر وے ایمبولینس سروس کا آغاز کیا گیا ہے۔ پی ڈی ایم اے کو بھی جدید خطوط پر استوار کیا جارہا ہے۔
مزید پڑھیں: وزیراعلیٰ پنجاب مریم نواز سے نیول وار کالج کے وفد کی ملاقات، ترقیاتی منصوبوں پر مفصل بریفنگ
وزیر اعلیٰ پنجاب کا کہنا تھا کہ ہنگامی صورتحال سے نمٹنے کے لیے متعلقہ اداروں کے کنٹرول رومز کو اپ گریڈ کیا جا رہا ہے۔ موسمیاتی تبدیلیوں سے نمٹنے کے لیے اقدامات کیے گئے ہیں۔
انہوں نے کہا کہ ہمارا مقصد آفات کے خطرات سے پہلے مؤثراقدامات کرکے عوام کو محفوظ بنانا ہے۔ بہترین ڈیزاسٹر مینجمنٹ کے لیے کمیونٹی کی شراکت داری اور آگاہی مہم کلیدی کردار ادا کرتی ہیں۔
یہ بھی پڑھیں: وزیراعلیٰ مریم نواز شریف کا لاہور کو 3 دن کے اندر صاف ستھرا کرنے کا حکم
مریم نواز نے کہا کہ قدرتی آفات کےخطرات کم کرکے آنے والی نسلوں کو ایک محفوظ اور مستحکم مستقبل دینا چاہتے ہیں۔
