چیئرمین پاکستان پیپلز پارٹی بلاول بھٹو زرداری نے کہا ہے کہ آئینی عدالت کا قیام بینظیر بھٹو کے چارٹر آف ڈیموکریسی میں شامل تھا، ہم اس وعدے سے پیچھے نہیں ہٹیں گے، جو مجھے پیچھے ہٹنے کا کہہ رہے ہیں میں انہیں کہتا ہوں کہ وہ پیچھے ہٹ جائیں۔
کراچی میں بینظیر ہاری کارڈ کے اجرا کی تقریب سے خطاب کرتے ہوئے بلاول بھٹو زرداری نے کہا کہ ہم میثاق جمہوریت میں کے گئے وعدوں پر سمجھوتہ نہیں کریں گے، کوئی جیل میں کہتا ہے کہ اس کا دل نہیں کرتا، موڈ نہیں بنتا تو کیا ہم اپنے قائد کے وعدے بھول جائیں، بینظیر بھٹو شہید کے وعدے پورا کرکے پاکستان بچائیں گے۔
یہ بھی پڑھیں: میاں نواز شریف اور بلاول بھٹوزرداری کے درمیان ٹیلیفونک رابطہ، آئینی ترمیم پر تبادلہ خیال
انہوں نے کہا کہ انصاف کے لیے عوام کو عام عدالت کے ساتھ ایک مخصوص عدالت بھی چاہیے جو آئینی حقوق کا کام کرے، چاہتے ہیں چاروں صوبوں کے منصف بیٹھیں اور آئینی سوالات کے جواب دیں، آئینی عدالت کا قیام اب نہیں تو کب؟ جو مجھے کہتے ہیں پیچھے ہٹ جاؤ، میں انہیں کہتا ہوں آپ پیچھے ہٹ جائیں۔
ان کا کہنا تھا کہ آئین کا تحفظ کرنے والی عدالت ایک آمر کو اجازت دیتی ہے کہ وہ اپنی مرضی کا آئین بنائے، افتخار چوہدری نے ایسا نظام شروع کیا جس سے عوام کو انصاف تو نہیں ملا، ہم عوام کو جلدی اور فوری انصاف دلوانے کے لیے آئینی عدالت کا قیام چاہتے ہیں۔
یہ بھی پڑھیں: بلاول بھٹو نے حکومت کا تیار کردہ آئینی ترمیم کا مسودہ سوشل میڈیا پر شیئر کردیا
بلاول بھٹو زرداری نے کہا کہ بینظیر بھٹو نے چارٹر آف ڈیموکریسی کے ذریعے ہمارے عدالتی نظام میں خامیوں اور عدالتی مسائل کا حل بتایا، بی بی شہید نے وعدہ کیا تھا کہ وہ اس معاہدے پر عملدرآمد کریں گی۔
انہوں نے کہا کہ چارٹر آف ڈیموکریسی کے تحت ہی ہم بہت ساری تبدیلیاں لے کر آئے تھے، سی ڈی اے کے ذریعے عوام کو حقوق دلوائے اور ایک آمر سے ملک کی جان چھڑائی۔
یہ بھی پڑھیں: سندھ ہائیکورٹ نے مجوزہ آئینی ترمیم کیخلاف درخواست مسترد کردی
انہوں نے سوال اٹھایا کہ کیا عوام جو مجھے سن رہے ہیں وہ ملک کے نظام عدل سے مطمئن ہیں یا نہیں؟ اگر آپ سمجھتے ہیں کہ پاکستان کے نظام عدل سے اچھا نظام دنیا میں کہیں نہیں ہے تو پھر ہم اس نظام میں فل اسٹاپ یا کومہ بھی تبدیل نہیں کریں گے اور اسے ایسے ہی چلنے دیں گے۔
’اگر آپ سمجھتے ہیں کہ پاکستان کا عدالتی نظام ٹوٹا ہوا ہے اور یہ انصاف نہیں بلکہ ناانصافی کا نظام ہے تو پھر شہید بینظیر بھٹو نے عدالتی نظام میں مسائل کا حل بھی بتایا ہے۔‘
انہوں نے کہا کہ ملک میں جب بھی آئین سازی ہوئی جے یو آئی کا اہم کردار رہا، جے یو آئی اور پیپلز پارٹی نے مل کر آئینی ترمیم کا مسودہ تیار کیا ہے، آئینی ترامیم جمہوری طریقے سےپارلیمنٹ سے منظور کرائیں گے،
