پاکستان خواتین ٹیم کی کپتان فاطمہ ثنا نے ویمنز ٹی 20 ورلڈ کپ 2024 میں نیوزی لینڈ کے خلاف گروپ کے آخری میچ میں 4 کیچز لے کر بسمہ معروف کا ریکارڈ توڑ دیا۔
یہ بھی پڑھیں: ویمنز ٹی 20 ورلڈ کپ 2024: پاکستان کو نیوزی لینڈ کے خلاف 54 رنز سے شکست، ٹورنامنٹ سے باہر
بسمہ معروف نے ٹی 20 انٹرنیشنل میں 3 کیچ لے کر سب سے زیادہ کیچ لینے والی پاکستانی فیلڈر والا مذکورہ ریکارڈ سنہ 2011 میں قائم کیا تھا۔
یاد رہے کہ کپتان فاطمہ ثنا کے والد جمعرات کو انتقال کرگئے تھے جس کے باعث وہ کراچی چلی گئی تھیں تھی تاہم گزشتہ روز تدفین کے بعد نیوزی لینڈ کے خلاف میچ سے قبل دوبارہ امارات پہنچ گئی تھیں۔
پاکستان ٹیم کو نیوزی لینڈ کے خلاف اس میچ میں 54 رنز سے شکست ہوئی تھی۔ اس طرح قومی ٹیم ٹورنامنٹ سے بھی باہر ہوگئی۔
مزید پڑھیے: ویمنز ٹی 20 ورلڈ کپ 2024: پاکستانی بولرز کی شاندار پرفارمنس، سری لنکا کو 31 رنز سے شکست
قومی ٹیم نیوزی لینڈ کے 110 رنز کے جواب میں محض 56 رنز بناسکی تھی۔ اس طرح پاکستان نے ورلڈ کپ میں اپنے 4 میچوں میں سے 3 میں شکست کا سامنا کیا اور محض 2 پوائنٹس حاصل کیے۔
