صوبہ خیبر پختونخوا کے ضلع خیبر کے علاقے باڑہ میں سیکیورٹی فورسز کی گاڑی بارودی سرنگ سے ٹکرا گئی ہے جس سے آئی ای ڈی دھماکے میں 2 سیکیورٹی اہلکار شہید ہوگئے ہیں۔
آئی ایس پی آر کے مطابق شہید ہونے والے والوں میں نائب صوبیدار حضرت گل اور سپاہی نذیر اللہ محسود شامل ہیں ۔
ڈی جی آئی ایس پی آر نے کہا کہ دہشت گردوں کے خاتمے کے لیے علاقے میں کلیئرنس آپریشن جاری ہے اور سیکیورٹی فورسز دہشت گردی کو ختم کرنے کے لیے پرعزم ہیں ۔
ڈی جی ؔآئی ایس پی آر کا مزید کہنا تھا کہ ایسی قربانیاں دہشت گردی کے خلاف ہمارے عزم کو مزید مضبوط کرتی ہیں ۔
دوسری جانب کالعدم تحریک طالبان نے سیکیورٹی فورسز پر حملے کی ذمہ داری قبول کر لی ہے۔
میڈیا کو جاری بیان میں کالعدم عسکریت پسند تنظیم نے بتایا کہ تحصیل باڑہ کے علاقے ملک دین خیل میں سیکیورٹی فورسز کی ایک ڈبل کیبن گاڑی کو مائن سے نشانہ بنایا گیا ۔
