سینیٹر فیصل واوڈا نے دعویٰ کیا ہے کہ پی ٹی آئی میں ایک مضبوط بلاک بن گیا ہے جس کو ایک زیرک آدمی لیڈ کرے گا۔
یہ بھی پڑھیں: کوئی آئے نہ آئے آئینی ترمیم پاس ہونے جا رہی ہے،آئیں گے تو عزت بچ جائے گی، فیصل واوڈا
اسلام آباد میں پارلیمنٹ کے باہر میڈیا سے گفتگو کرتے ہوئے فیصل واوڈا نے کہا کہ آئینی ترمیم میں نمبرز 224 سے آگے جائیں گے، پی ٹی آئی اگر اپوزیشن تھی تو کم از کم اس ترمیم کے خلاف ووٹ دیتی۔
فیصل واوڈا نے کہا کہ آج کی سب سے بڑی خبر ہے کہ پی ٹی آئی میں ایک بہت مضبوط گروپ بن چکا ہے جس کو ایک زیرک آدمی لیڈ کرے گا، پہلے ہی کہا تھا کہ پی ٹی آئی ایم کیو ایم کی طرح پی ٹی آئی پاکستان بنے گی۔
یہ بھی پڑھیں: عددی اکثریت موجود ہے، 21 اکتوبر سے قبل آئینی ترمیم کا عمل مکمل ہو جائے گا، سینیٹر فیصل واوڈا
انہوں نے کہا کہ پی ٹی آئی کے لوگ پھر سے بائیکاٹ کر کے بھاگ گئے ہیں، قوم کو پتا ہونا چاہیے کہ یہ سب ان کے منصوبے کا حصہ تھا۔
