جمعیت علمائے اسلام کے سربراہ مولانا فضل الرحمان کے صاحبزادے اور سابق وفاقی وزیر مولانا اسعد محمود کو گورنر خیبرپختونخوا بنائے جانے کے حوالے سے خبریں اس وقت گردش میں ہیں تاہم جے یو آئی کے ترجمان اسلم غوری نے ان خبروں کو بےبنیاد اور پروپیگنڈا قرار دیا ہے۔
ترجمان جے یو آئی کے مطابق ایسی خبر مولانا فضل الرحمان کی 26 ویں آئینی ترمیم کے حوالے سے کی جانے والی تاریخی اور کامیاب کوششوں کو سبوتاژ کرنے کی بھونڈی سارش ہے۔
انہوں نے مزید کہا کہ آئینی ترمیم میں مذموم مقاصد میں ناکام ہونے والے عناصر اب کردار کشی پر اتر آئے ہیں۔
قوم ایسے عناصر کو اچھی طرح طرح جانتے بھی ہیں۔
اسلم غوری کا کہنا ہے کہ بے بنیاد خبریں صحافتی اقدار کے منافی ہوتی ہیں۔ مولانا اسعد محمود کو گورنر خیبرپختونخوا بنائے جانے کی خبر من گھڑت اور جھوٹ پر مبنی ہے۔
