وزیر اعلٰیٰ بلوچستان میر سرفراز بگٹی نے اسلام آباد میں چیئرمین پیپلز پارٹی بلاول بھٹو زرداری سے ملاقات میں انہیں اپنی صوبائی حکومت کی کارکردگی کے حوالے سے آگاہ کیا۔
وزیر اعلٰی بلوچستان میر سرفراز بگٹی کا کہنا تھا کہ امن و امان، گڈ گورننس اور ماحولیاتی تبدیلیوں سے نبرد آزما ہونے کے لیے کام کر رہے ہیں، سندھ کی طرز پر پبلک پرائیویٹ پارٹنر شپ کے تحت جدید طبی اداروں کے قیام کی حکمت عملی بھی مرتب کی جارہی ہے۔
چئیرمین بلاول بھٹو زرداری نے بلوچستان صوبائی حکومت کی کارکردگی پر اظہار اطمینان کرتے ہوئے کہا کہ وہ وفاق میں بلوچستان کے حقوق کی پیروی جاری رکھیں گے۔
دوسری جانب وزیر اعلیٰ سرفراز بگٹی نے صدر مملکت آصف زرداری سے بھی ملاقات کی اور باہمی دلچسپی کے امور پر تبادلہ خیال کیا۔
