اسلام آباد ہائیکورٹ نے اڈیالہ جیل کے حوالے سے وزارت داخلہ کو ملنے والی سیکیورٹی تھریٹس کا ریکارڈ طلب کرلیا ہے۔ اسلام آباد ہائیکورٹ کے جسٹس اعجاز اسحاق خان نے عدالتی حکم کے باوجود عمران خان کی وکلا سے ملاقات پر پابندی سے متعلق توہین عدالت کیس کی سماعت کا حکمنامہ جاری کردیا۔ عدالتی حکم میں کہا گیا ہےکہ ریکارڈ پیش کریں جس کی بنیاد پر پنجاب حکومت نے جیل ملاقاتوں پر پابندی لگائی۔
مزید پڑھیں:اسلام آباد ہائیکورٹ کے حکم کے بعد وکلا کو عمران خان سے ملاقات کی اجازت مل گئی
عدالت نے اڈیالہ جیل کے حوالے سے وزارت داخلہ کو موصول ہونے والے سیکیورٹی تھریٹس کا ریکارڈ طلب کرتے ہوئے حکم دیا ہے کہ وزارت داخلہ کا باخبر افسر سیکیورٹی تھریٹس کے ریکارڈ کے ہمراہ عدالت میں پیش ہو۔
ہائیکورٹ نے سپرنٹنڈنٹ اڈیالہ جیل کو آج پھر ذاتی حیثیت میں طلب کیا ہے اور اٹارنی جنرل آفس کو عدالتی معاونت کے لیے نوٹس جاری کیا ہے۔
