بالی ووڈ کی نامور اداکارہ رانی مکھر جی نے سوشل میڈیا سے دور رہنے کے اپنے فیصلے کے بارے میں بتایا ہے کہ وہ کیوں سوچتی ہیں کہ سوشل میڈیا ان کے لیے نہیں ہے۔
اپنے حالیہ ایک انٹرویو میں انہوں نے کہا کہ سوشل میڈیا کے استعمال کے لیے ان کے پاس وقت نہیں اس لیے وہ اس سے گریز کرتی ہیں ۔
اداکارہ کا کہنا تھا کہ سوشل میڈیا کا استعمال بہت زیادہ دباؤ کا سبب بنتا ہے اور اسے روزانہ دیکھنا پڑتا ہے اس لیے میں کیریئر کے ساتھ اسے سنبھال نہیں سکتی ۔
انہوں نے کہا کہ یہ ہر فرد کی مرضی ہے کہ وہ دباؤ محسوس کرتا ہے یا نہیں مگر آپ کو اپنی مرضی کے مطابق جینا چاہیے ۔
رانی مکھر جی نے کہا کہ جب سوشل میڈیا کی آمد ہوئی تو انہیں ہر کسی نے یہ پلیٹ فارم استعمال کرنے کا کہا مگر وہ جانتی تھیں کہ یہ کام وہ نہیں کر سکتی۔
اداکارہ نے کہا کہ وہ اپنی ذاتی اور پیشہ ورانہ زندگی کو الگ الگ رکھتی ہیں یہاں تک کہ وہ اپنے شوہر آدتیہ چوپڑا اور اپنی بیٹی ادیرا کے سامنے فلموں پر بھی بات نہیں کرتی ۔
بھارتی اداکارہ رانی مکھرجی ان دنوں اپنی تازہ ترین فلم مسز چٹرجی بمقابلہ ناروے کے لیے سرخیوں میں ہیں ۔
