پیش گوئی کی مارکیٹ اور سیاسی تجزیہ کار امریکی صدارتی انتخابات کو کس طرح دیکھتے ہیں؟ دونوں کی سوچ میں واضح فرق امریکی سیاست میں تیزی سے اثر انداز لیکن نسبتاً کم عام فہم قوت کی جانب اشارہ کرتا نظر آتا ہے جسے عام طور پر سٹے بازی کہا جاتا ہے۔
یہ کیوں اہمیت رکھتا ہے؟ پیش گوئی کی مارکیٹیں، جیسے پریڈکٹ اٹ، کالشی، اور پولی مارکیٹ وغیرہ، ڈونلڈ ٹرمپ کو امریکی صدارت جیتنے کے لیے بہت بہتر مارجن دیتے ہیں، جس سے کچھ مبصرین یہ تجویز کرتے ہیں کہ کملا ہیرس کی فتح کی صورت میں یہ مارکیٹ کی پیشن گوئی کی طاقت کی ناکامی کی نمائندگی کرے گی۔
یہ بھی پڑھیں: امریکی صدارتی انتخابات: کملا ہیرس نے ڈونلڈ ٹرمپ پر 4 پوائنٹس کی برتری حاصل کر لی
یہ کیسے کام کرتا ہے؟ پیش گوئی کی مارکیٹ میں اگلا صدر کون بنے گا کے لیے شرط لگانے والے کسی بھی مارکیٹ میں اس قیمت پر حصص خرید سکتے ہیں جسے مارکیٹ نتائج کی مشکلات کی بنیاد پر مناسب سمجھے۔
ایک غیر متوقع نتیجہ 33 سینٹ کے لیے ٹریڈنگ کرسکتا ہے، اور ممکنہ نتیجہ 88 سینٹ کے لیے ٹریڈنگ کر سکتا ہے، ان قیمتوں کا تعین مکمل طور پر طلب سے ہوتا ہے، اسی وجہ سے انہیں مارکیٹ کہا جاتا ہے۔
شرط سے حاصل ہونے والا منافع ہر ٹکٹ کی قیمت اور اس آخری ایک ڈالر کی ادائیگی کے درمیان فرق ہے، اب اس میں بڑی شرطیں پیش گوئی کی مارکیٹ کو جزوی طور پر اپنی لپیٹ میں لے سکتی ہیں، کیوںکہ زیادہ سٹے باز نہ ہونے کے باعث ان کی اثر پذیری روکنا ممکن نہیں رہتا۔
کرپٹو کرنسی پر مبنی پولی مارکیٹ نے مبینہ طور پر 4 اکاؤنٹس سے حالیہ ہفتوں میں 30 ملین ڈالر کی شرطیں لگائی ہیں، جو ممکنہ طور پر اسی شخص کا کام ہے، جو میڈیا رپورٹس کے مطابق، جس نے توجہ دلائی ہے کہ آیا کوئی انتخابات کے بارے میں عوامی جذبات کو متاثر کرنے کی کوشش کر رہا ہے۔
مزید پڑھیں: معروف امریکی مورخ کی کملا ہیرس کے حق میں پیش گوئی کا کیا مطلب ہے؟
کمپنی نے کہا ہے کہ وسیع تجارتی تجربہ اور مالیاتی خدمات کا پس منظر رکھنے والا ایک فرانسیسی شہری چاروں اکاؤنٹس کے پیچھے تھا، تاہم مارکیٹ میں ہیرا پھیری کی کوشش کرنے کا کوئی ثبوت نہیں ملا۔
سب سے بڑے عالمی آپریٹر پولی مارکیٹ کے مطابق گزشتہ بدھ تک ڈونلڈ ٹرمپ کے جیتنے کے 59.3 فیصد امکانات تھے لیکنسیاسی تجزیہ کاروں نے ڈونلڈ ٹرمپ کے جیتنے کا 51 فیصد امکان ہے۔
مزید پڑھیں: اگلا امریکی صدر کون ہوگا؟ اہم امریکی اداروں نے پیشگوئی کردی
دوسری جانب کالشی پر ڈونلڈ ٹرمپ پر شرط لگانے والے لوگوں کی تعداد ڈیڑھ گنا زیادہ ہے کملا ہیرس کے مقابلے پر، کالشی تسلیم کرتا ہے کہ تعصبات ٹرمپ کی شرط لگانے والوں کی بڑی تعداد کو ہوا دے سکتے ہیں۔ مثال کے طور پر، ٹرمپ کے حامیوں والے علاقوں میں سیاسی سٹے بازی والی سائٹس زیادہ استعمال کررہے ہوں یا پھر وہ ٹرمپ کی جیت میں کملا ہیریس پر داؤ لگانے والوں سے زیادہ زیادہ پراعتماد ہوں۔
دریں اثنا، اوسطاً کملا ہیرس کی فتح پر شرطیں اب صدر ٹرمپ کے مقابلے میں کہیں زیادہ ہیں۔ کمپنی کا کہنا ہے کہ “اشارہ یہ ہے کہ یہ تیز یا جدید ترین ٹریڈرز ہیں جو مارکیٹ بنانے والے نچلی سطح پر ٹرمپ کی حمایت کو بیلنس آؤٹ کر رہے ہیں۔‘
