پاکستان تحریک انصاف (پی ٹی آئی) کے ممبر قومی اسمبلی چوہدری اعجاز کی اہلیہ نے انکشاف کیا ہے کہ کچھ روز قبل نامعلوم افراد نے ہمارے گھر پر چھاپہ مارا، اور ہمارے ساتھ جو سلوک کیا گیا وہ قابل بیان نہیں۔
اسلام آباد میں اپوزیشن لیڈر عمر ایوب اور دیگر پی ٹی آئی رہنماؤں کے ہمراہ پریس کانفرنس کرتے ہوئے انہوں نے کہاکہ چھاپہ مارنے والے نامعلوم افراد نے چوہدری اعجاز کا پوچھا تو ہم نے بتایا کہ وہ گھر پر نہیں ہیں۔
11 اکتوبر کو رات کو نامعلوم افراد نے ہمارے گھر پر دھاوا بولا
ملازمین پرتشدد کیا نازیبا حالات میں ویڈیو بنائی گئی استری سے جلایا گیامیری گیارہ ماہ کی بچی کوپاوں سے پکڑ کر گھسیٹا ہےمیرے سر پر چادر نہ پاوں میں جوتے تھے مجھے ایک روم میں بند کر دیا۔۔چوہدری اعجاز کی اہلیہ لعنت ہمارے… pic.twitter.com/CaC7vqxOn5— Rana Khalil Ahmad (@K54Rana) October 29, 2024
یہ بھی پڑھیں پی ٹی آئی رہنما سینیٹر شبلی فراز کے گھر ایک اور چھاپہ
انہوں نے کہاکہ مجھے کہا گیا اپنے شوہر کو فون کرکے بلاؤ، پھر میرے نمبر سے ان کو کالز کرتے رہے، مگر وہ ملک سے باہر تھے اور اس وقت ایسی جگہ پر تھے جہاں انٹرنیٹ کام نہیں کررہا تھا، اس لیے رابطہ نہ ہوسکا۔
چوہدری اعجاز کی اہلیہ نے کہاکہ مجھے زبردستی لاکر میرے خاوند کے دفتر میں بٹھا دیا گیا، میرے سر پر چادر اور پاؤں میں جوتا تک نہیں تھا لیکن کسی نے میری فریاد نہیں سنی۔
انہوں نے کہاکہ چھاپہ مارنے والوں میں جو 3 لوگ تھے انہوں نے بہت ہی برا سلوک کیا، جو قابل بیان ہی نہیں۔
انہوں نے کہاکہ ہمارے ملازمین پر بدترین تشدد کیا گیا جس سے کسی کا بازو اور کسی کی انگلی ٹوٹ گئی، جبکہ استری گرم کرکے بھی لگاتے رہے۔
انہوں نے مزید کہاکہ سیاست کے نام پر اتنا ظلم نہ کیا جائے، نامعلوم افراد یہ کہہ کرگئے کہ اگر کسی کو بتایا تو پھر آئیں گے اور اس سے بھی برا حشر کریں گے۔
یہ بھی پڑھیں عدالتوں اور پارلیمنٹ کے بجائے فیصلہ بالآخر سڑکوں پر ہوگا، سلمان اکرم راجا
انہوں نے کہاکہ میں نے 15 پر رابطہ کیا مگر کوئی بہتر جواب نہیں دیا گیا، اب بھی ہمارے گھر پر چھاپے مارے جاتے ہیں اور ٹارچر کیا جارہا ہے، حالانکہ میں گھریلو خاتون ہوں میرا سیاست سے کوئی تعلق نہیں۔
