سربراہ جمیعت علما اسلام (ف) مولانا فضل الرحمان نے کہا کہ آئینی ترمیم کے لیے ووٹ نہ کرتے ہوئے حکومت نے 11ووٹ خرید لیے تھے، اور ایسا گندا مسودہ آتا جس سے مسائل بڑھ جاتے۔
مولانا فضل الرحمان نے ڈیرہ اسماعیل خان میں میڈیا سے گفتگو کرتے ہوئے کہا کہ بانی پاکستان تحریک انصاف (پی ٹی آئی) عمران خان سمیت تمام سیاسی لیڈران کی قید و بند کے خلاف ہوں، نئے انتخابات سے ہی اب ملک کو بچا سکتے ہیں۔
مزید پڑھیں: مولانا سے رابطہ کیوں کیا تھا، 26ویں ترمیم پر اگلا لائحہ عمل کیا ہوگا؟ سلمان اکرم راجہ نے بتایا
سربراہ جے یو آئی کا کہنا تھا کہ آئینی ترمیم میں 56 شقیں تھیں جن کو ہم 22 پر لے آئے، 5شقیں جے یو آئی کی شامل ہوئیں اور آئینی ترمیم کی شقیں 27ہوگئیں، اگر ہم ووٹ نہ کرتے تو حکومت نے بندے خرید کر پورے کر لیے تھے۔
آئینی ترمیم کے لیےحکومت نے 11 ووٹ خریدلیے تھے، مولانا فضل الرحمان pic.twitter.com/wJlO4bZZq4
— WE News (@WENewsPk) October 30, 2024
’اگر ہم ووٹ نہ کرتے تو بہت گندا ڈرافٹ آتا‘۔
یہ بھی پڑھیں: مولانا فضل الرحمان نے دوبارہ الیکشن کا مطالبہ کردیا
مولانا کا کہنا تھا کہ ایک مہینے کی محنت کے بعد جے یو آئی نے اپنا ہدف حاصل کرلیا، پی ٹی آئی نے اپنے حالات کی وجہ سے ووٹ نہیں دیا۔
انہوں نے کہا کہ ہم نے پی ٹی آئی کو مذاکرات میں لمحہ بہ لمحہ باخبر رکھا، جن کی حکومت بنائی گئی وہ 26ویں آئینی ترمیم لانے میں مکمل ناکام رہے۔
