کرکٹ کی دنیا کے ابھرتے ہوئے نئے ستارے ساجد خان کہتے ہیں کہ کوئی بھی نہیں جانتا تھا کہ انہوں نے شادی کررکھی ہے، انڈر 19کھیلنے کے بعد ہی انہوں نے شادی کرلی تھی لیکن اس بارے میں صرف محمد رضوان ہی جانتے ہیں۔
نجی ٹی وی کے پروگرام میں میزبان نے سوال کیا کہ آپ نے شادی کو اتنا خفیہ کیوں رکھا ہوا ہے جس کے جواب میں ساجد خان نے کہا کہ شادی کو خفیہ اس لیے رکھا کہ سوچا تھا کہ دوسری شادی کرلوں گا۔
مزید پڑھیں: انگلینڈ کے خلاف سیریز کے بہترین کھلاڑی ساجد خان کی اصل کہانی کیا ہے؟
ساجد خان سے ان کے نک نیم کے حوالے سے پوچھا تو انہوں نے بتایا کہ جب بابر اعظم کپتان ہوا کرتے تھے تو وہ ان کو گجر کہہ کر مخاطب کرتے تھے، شان مسعود سجو بولتے ہیں۔
’سوشل میڈیا پر تو لوگوں نے مختلف نام رکھے ہیں کوئی کٹپا کہتا ہے، کوئی سنجو کہتا ہے تو کوئی لالہ کہہ کر پکارتے ہیں‘۔
انہوں نے اپنے کرکٹ کے سفر کے دوران پیش آنے والی مشکلات کا ذکر کرتے ہوئے کہا کہ جب کرکٹ نہیں مل رہی تھی تو ملازمت کی غرض سے دبئی چلا گیا تھا۔
’گھر کی حالت یہ تھی کہ کوئی بھی اچھا کمانے والا نہیں تھا، 2بڑے بھائی ہیں لیکن ان کی آمدنی اتنی نہیں کہ گزر بسر آسانی سے ہوجاتا۔ والدہ کہتی تھیں کہ کوئی نوکری کرلو، جیسا کہ پاکستان میں نوکری آسانی سے نہیں ملتی تو پھر مجھے دبئی جانا پڑا‘۔
یہ بھی پڑھیں: راولپنڈی ٹیسٹ: شاندار بولنگ پر ساجد خان کا ایک اور اعزاز کیا ہے؟
انہوں نے کہا کہ ان کو ایئرپورٹ پر پیکنگ کی جاب مل گئی، اچھے پیسے مل رہے تھے پھر کرکٹ کھیلنا چھوڑ دی۔ میری ماں کو کرکٹ کا بالکل بھی نہیں پتا لیکن میں پھر بھی ہر بات ان سے پوچھتا ہوں۔
ساجد خان نے کہا کہ والدہ ابھی عمرہ پر ہیں اور خوش ہیں۔ وہ کرکٹ نہیں جانتی ہیں لیکن مجھے مشورے دیتی ہیں اور جو مشورہ وہ دیتی ہیں میں عمل کرتا ہوں جس سے مجھے ہمیشہ فائدہ ملتا ہے۔
