سعودی عرب نے پاکستان میں اپنی سرمایہ کاری ایک قدم آگے بڑھا دی ہے، مشہور تیل اور گیس کی سعودی کمپنی آرامکو نے لاہور کے بعد اب اسلام آباد میں بھی پیٹرول پمپ کا آغاز کردیا ہے، اسلام آباد کے سیکٹر جی 6 میں اتاترک ایونیو پر واقع گو پیٹرول پمپ کی جگہ اب آرامکو نے اپنا پیٹرول پمپ کھول دیا ہے۔
پیٹرول پمپ پر پیٹرول، ڈیزل اور ہائی آکٹین پیٹرول دستیاب ہے، پاکستان میں چونکہ اب الیکٹرک گاڑیوں کی تعداد بڑھ رہی ہے تو اس کے لیے الیکٹرک وہیکل چارجنگ کی جگہ بنائی گئی ہے، اس کے علاؤہ ایکسپریس کار واش، ٹک شاپ، سب وے، ٹائر شاپ بھی موجود ہے۔
اسلام آباد میں بھی ایمبیسی روڈ پر آرامکو فیول اسٹیشن اوپن ہو گیا ہے۔ آج ہائی کورٹ سے آفس جاتے ہوئے گاڑی میں فیول ڈلوایا تو کمپنی کی جانب سے آب زم زم، کھجور اور کی چین کا تحفہ دیا گیا pic.twitter.com/xZEnWeT5e9
— Awais Yousaf Zai (@awaisReporter) November 4, 2024
آرامکو کمپنی کے اس پیٹرول پمپ سے پیٹرول بھروانے والوں نے امید کا اظہار کیا ہے کہ سعودی کمپنی کے پیٹرول پمپ کھلنے سے پاکستانیوں کو معیاری پیٹرول دستیاب ہوگا، ایک مقامی صحافی نے ایکس پر اپنی پوسٹ میں بتایا کہ انہیں آرامکو کے اسی پیٹرول پمپ سے پیٹرول بھروانے پرآب زم زم، کھجور اور کی چین کا تحفہ دیا گیا۔
