نیوزی لینڈ کرکٹ ٹیم پاکستان کے خلاف 5 ایک روزہ اور 5 ٹی20 میچوں کی سیریز کھیلنے کے لیے کرائسٹ چرچ سے لاہور پہنچ گئی۔
نیوزی لینڈ کی ٹیم ابتدائی 2 روز آرام کرنے کے بعد 13 اپریل کو اپنا پہلا ٹریننگ سیشن کرے گی اور اسی روز ٹی20 سیریز کی ٹرافی کی رونمائی بھی ہوگی۔ مہمان ٹیم کے کپتان ٹیم ٹام لیتھم ہیں۔
New Zealand team arrives in Lahore for the white-ball series 🛬#PAKvNZ | #CricketMubarak pic.twitter.com/sD90oabB5B
— Pakistan Cricket (@TheRealPCB) April 11, 2023
پاکستان اور نیوزی لینڈ کے درمیان پہلا ٹی20 میچ 14 اپریل کو کھیلا جائے گا جبکہ دوسرا اور تیسرا میچ بالترتیب 15 اور 17 اپریل کو لاہور کے قذافی اسٹیڈیم میں رکھا گیا ہے۔
چوتھا اور پانچواں ٹی20 میچ 20 اور 24 اپریل کو راولپنڈی میں ہوگا۔ ٹیم کو انتہائی سخت سیکیورٹی میں ہوٹل پہنچایا گیا۔
