تحریک انصاف کے چیئرمین عمران خان کو عہدے سے ہٹانے کی درخواست چیف جسٹس لاہور ہائیکورٹ کو ارسال کر دی گئی۔
لاہور ہائی کورٹ کے جسٹس انوار حسین نے چیئرمین تحریک انصاف عمران خان کو عہدے سے ہٹانے کی درخواست چیف جسٹس لاہور ہائیکورٹ کو ارسال کردی۔
جسٹس انوار حسین نے درخواست چیف جسٹس لاہور ہائیکورٹ کو ارسال کرتے ہوئے لکھا ہے کہ جسٹس عابد حسین چھٹہ اسی نوعیت کی درخواست پر سماعت کررہے، اس درخواست کو بھی اسی عدالت میں سماعت کے لیے مقرر کیا جائے۔
عدالت نے رجسٹرار آفس کے اعتراض کے ساتھ درخواست چیف جسٹس کو ارسال کی ہے۔
لاہور ہائیکورٹ کے رجسٹرا ر آفس نے اعتراض عائد کیا ہے کہ ایک ہی درخواست بار بار دائر نہیں ہوسکتی۔
مقامی وکیل آفاق احمد ایڈووکیٹ اور جیند احمد نے درخواستیں ہائیکورٹ میں دائر کررکھی ہیں، جسٹس عابد حسین چھٹہ کل درخواستوں پر سماعت کریں گے۔
