کراچی ایئرپورٹ حملہ کیس میں بڑی پیشرفت ہوئی ہے اور سی ٹی ڈی نے کارروائی کرتے ہوئے ایک خاتون اور بینک عملے سمیت کئی سہولت کاروں کو گرفتار کرلیا ہے۔
رپورٹ کے مطابق سی ٹی ڈی نے حب جوکی میں گینگ وار کرمنل علی ڈاڈا کے ٹھکانوں پر چھاپے مارے ہیں، اور ایئرپورٹ کے اندر ریکی کرنے والی ٹیم بھی دھر لی گئی ہے۔
یہ بھی پڑھیں کراچی ایئرپورٹ دھماکا دہشتگردوں نے ملک دشمن غیر ملکی خفیہ ایجنسی کی مدد سے کیا، ابتدائی رپورٹ
حکام نے بتایا کہ گرفتار ہونے والی خاتون اس سے قبل بھی دہشتگردی میں سہولت کاری کرچکی ہے، اور پکڑے گئے سہولت کاروں کا تعلق بلوچستان سے ہے۔
رپورٹ کے مطابق ایئرپورٹ سگنل کے قریب دہشتگردی کی سہولت کاری میں بینک کا عملہ بھی ملوث نکلا ہے، جبکہ دہشت گردی کے تانے بانے بیرون ممالک سے ملتے ہیں۔
’حملے سے قبل ویڈیو بنانے والا سہولت کار بھی پکڑا گیا ہے جو کراچی یونیورسٹی کا طالب علم ہے۔
رپورٹ کے مطابق حملے میں استعمال ہونے والی گاڑی خریدنے کے لیے بینک عملے نے رقم کراچی ٹرانسفر کی، 71 لاکھ روپے کی رقم تربت سے کراچی بینک کے ذریعے ٹرانسفر ہوئی، بینک عملے نے رقم منتقل کرنے کے لیے 2 لاکھ روپے رشوت لی۔
یہ بھی پڑھیں کراچی ایئرپورٹ کے قریب دھماکا، تحقیقاتی اداروں کی تفتیش میں کیا سامنے آیا؟
واضح رہے کہ 7 اکتوبر کو کراچی کے انٹرنیشنل ایئرپورٹ کے قریب دھماکے میں 2 چینی باشندوں سمیت 3 افراد ہلاک جبکہ 17 افراد زخمی ہوگئے تھے۔
