رواں سال کے چوتھے اور آخری سپر مون کا مشاہدہ جمعے اور ہفتے کی درمیانی شب کو ہو گا۔ یہ دلکش نظارہ پاکستان میں بھی کیا جاسکے گا۔
پاکستانی وقت کے مطابق رات 2 بج کر 28 منٹ پر سپر مون اپنے عروج پر ہو گا جسے پاکستان میں بھی دیکھا جا سکے گا۔
یہ بھی پڑھیں: پاکستان میں سپر بلیو مون کے دلفریب نظارے
واضح رہے کہ سپر مون کے دوران چاند معمول سے 14 فیصد بڑا اور 30 فیصد زیادہ روشن نظر آتا ہے۔
سپر مون اس وقت ہوتا ہے جب چاند اپنے مدار میں زمین کے قریب ترین فاصلے پر آ جاتا ہے اور اس دوران زمین اور چاند کے درمیان کا فاصلہ کم ہو جاتا ہے۔
مزید پڑھیے: پاکستان کی فضاؤں میں ’سپر بلیو مون‘ کا راج
قبل ازیں سال رواں میں 3 سپر مون دیکھے جا چکے ہیں جبکہ چوتھے کا نظارہ آج کیا جا سکے گا۔
سنہ 2024 کا پہلا سپر مون 19 اگست کی شب دیکھا گیا، دوسرا 18 ستمبر کو جزوی گرہن کے ساتھ جبکہ تیسرا 17 اکتوبر کو دیکھا گیا۔
