پاکستان تحریک انصاف (پی ٹی آئی) کے بانی عمران خان کے فوکل پرسن کے لیے پارٹی کے 3 رہنماؤں کو نامزد کردیا گیا۔
پی ٹی آئی کے چیئرمین بیرسٹر گوہر، سیکریٹری جنرل سلمان اکرم راجہ اور اپوزیشن لیڈر عمر ایوب کو عمران خان کا فوکل پرسن نامزد کیا گیا ہے۔
یہ بھی پڑھیں عمران خان کی فائنل کال، کیا پی ٹی آئی احتجاج کو دھرنے میں بدل پائے گی؟
تینوں رہنماؤں کی بحیثیت فوکل پرسن نامزدگی بانی پی ٹی آئی عمران خان کی ہدایت پر کی گئی ہے۔
پاکستان تحریک انصاف کے ایڈیشنل سیکریٹری جنرل فردوس شمیم نقوی نے نامزدگی کا نوٹیفکیشن جاری کردیا۔
واضح رہے کہ 24 نومبر کو عمران خان نے اسلام آباد میں احتجاج کی کال دی ہے، جس کی تیاریاں بھرپور طریقے سے جاری ہیں، اور اس سلسلے میں رہنماؤں کو ذمہ داریاں سونپی جارہی ہیں۔
یہ بھی پڑھیں امریکی ارکان کانگریس نے عمران خان کی رہائی کے لیے جوبائیڈن کو ایک اور خط لکھ دیا
دوسری جانب عمران خان کی اہلیہ بشریٰ بی بی بھی متحرک ہیں، اور 24 نومبر کے احتجاج کو کامیاب بنانے کے لیے ہدایات جاری کررہی ہیں۔
