لاہور کے چلڈرن اسپتال انتظامیہ کی غفلت کے باعث علاج کے لیے آیا 3 سالہ بچہ کھلے مین ہول میں گر کر جان کی بازی ہار گیا۔
وزیراعلیٰ پنجاب مریم نواز نے واقعہ کا نوٹس لیتے ہوئے محکمہ صحت کے حکام سے رپورٹ طلب کرلی۔
یہ بھی پڑھیں سروسز اسپتال کی غفلت ،مریض گیٹ کے باہر دم توڑ گیا، 11 دن بعد لاش ملی
رپورٹس کے مطابق اسپتال میں علاج کے لیے آیا بچہ انتظامیہ کی غفلت سے کھلے مین ہول میں گر جاں بحق ہوگیا۔
قصور کے علاقہ چونیاں کا رہائشی باسم والدین کی اکلوتی اولاد تھا اور اسپتال میں اس کی سپیچ تھراپی چل رہی تھی۔
بچے کے والد کے مطابق باسم علاج معالجے کے بعد ایڈمن آفس کے پاس واقع چھوٹے پارک میں کھیل رہا تھا۔ انتظامیہ نے گٹر پر ڈھکن کے بجائے درختوں کی شاخیں رکھی ہوئی تھیں جس سے بچہ کھلے میں ہول میں جا گرا۔
یہ بھی پڑھیں فیصل آباد، آپریشن کے بعد پیٹ میں رہ جانے والی قینچی نے لڑکی کی جان لے لی
وزیراعلیٰ پنجاب مریم نواز نے واقعہ کو مجرمانہ غفلت قرار دیتے ہوئے سیکریٹری صحت سے رپورٹ طلب کرلی۔
