سندھ ہائیکورٹ نے کورٹ رپورٹرز کو روز مرہ کی عدالتی کارروائی کی رپورٹنگ کی اجازت دیے دی، سندھ ہائیکورٹ نے پیمرا، وزارت اطلاعات اور دیگر کو نوٹس جاری کرتے ہوئے 6 جون تک جواب طلب کرلیا۔
عدالتی کارروائی کی رپورٹنگ پر پابندی کے خلاف درخواست پر سماعت سندھ ہائیکورٹ میں ہوئی، عدالت نے پیمرا کے فیصلے کے خلاف کورٹ رپورٹرز کی درخواست منظور کرتے ہوئے کورٹ رپورٹنگ پرپابندی سے متعلق پیمرا کی ڈائریکشن کالعدم قرار دے دی۔
مزید پڑھیں: وکلا کی جانب سے شہریوں کے خلاف مقدمات، سندھ ہائیکورٹ کا تحریری حکمنامہ جاری
خیال رہے درخواست پر چیف جسٹس محمد شفیع صدیقی کی سربراہی میں 2رکنی بینچ نے فیصلہ سنایا۔ عدالت نے ریمارکس دیے کہ کورٹ رپورٹرز کو بھی عدالتی رپورٹنگ میں ذمہ داری کا مظاہرہ کرنا چاہیے۔
’بعض ریمارکس یا آبزرویشن نشر ہونے سے عدلیہ کا غلط تاثر چلا جاتا ہے‘۔
واضح رہے چند روز قبل پیمرا نے کورٹ رپورٹرز کے عدالتی کارروائی میڈیا پر نشر کرنے پر پابندی عائد کردی تھی جس کے خلاف صحافیوں نے سندھ ہائیکورٹ میں درخواست دائر کی تھی۔
