انٹر پول پاکستان نے گوجرانوالہ پولیس کو مطلوب ملزم کو سعودی عرب سے گرفتار کر لیا ہے۔
انٹر پول نے ملزم کو سعودی عرب سے گرفتار کر کے اسلام آباد ایئر پورٹ منتقل کیا۔
ملزم الطاف حسین احمد نگر پولیس اسٹیشن گوجرانوالہ کو مطلوب تھا جس کے خلاف قتل، اقدام قتل کے تحت مقدمہ درج تھا۔
متعلقہ پولیس کی درخواست پر انٹر پول پاکستان نے ملزم کی گرفتاری کے لیے ریڈ نوٹس جاری کیا تھا۔
بعد ازاں ایف آئی اے امیگریشن نے ملزم کو گوجرانوالہ پولیس کے حوالے کر دیا۔
ملزم کی حوالگی انٹرپول اسلام آباد کی انٹرپول سعودی عرب کے ساتھ قریبی رابطہ کاری کی وجہ سے ممکن ہوئی۔
