ن لیگی رہنما سینیٹر طلال چوہدری نے کہا ہے کہ علی امین گنڈاپور اور بشریٰ بی بی کارکنوں کو اکیلا چھوڑ کر بھاگ گئے، بھاگنے والے بزدل لاشوں اور گولیوں کا جھوٹا پروپیگنڈا کر رہے ہیں۔
یہ بھی پڑھیں:بشریٰ بی بی خون خرابے کا منصوبہ لے کر آئی ہیں، وزیر اطلاعات عطا تارڑ
اسلام آباد میں میڈیا سے گفتگو کرتے ہوئے طلال چوہدری کا کہنا تھا اگر لاشیں گری تھیں تو چھوڑ کر کیوں بھاگے؟
انہوں نے کہا کہ لاشیں صرف رینجرز اور پولیس کی گری ہیں۔
طلال چوہدری کے مطابق پی ٹی آئی کے شر پسندوں کے پاس آنسو گیس کے شیل تھے، کہتے تھے سینے پر گولی کھائیں گے اور بھاگ گئے۔
یہ بھی پڑھیں:جعلی حکومت کی سیاسی لاش علی امین گنڈاپور دفنائیں گے، بیرسٹر سیف
انہوں نے کہا کہ پی ٹی آئی والے پہلی بار نہیں بھاگے۔
ن لیگی رہنما کے مطابق ریاست کو کمزور سمجھنے والوں کو سبق مل گیا ہو گا، سرکاری اسلحہ اور گاڑیاں لے کر وفاق پر چڑھائی کرنے آجاتے ہیں لیکن ضلع کرم کوئی نہیں جاتا۔
