اسموگ تدارک کیس، لاہور ہائیکورٹ کے فیصلے میں اہم بات کیا ہے؟

لاہور ہائیکورٹ نے اسموگ تدارک کیس کا تحریری فیصلہ جاری کر دیا۔

لاہور ہائیکورٹ نے اسموگ تدارک کیس کا تحریری فیصلے میں قرار دیا کہ تعلیمی اداروں میں اسکول بسیں چلانے کے عدالتی فیصلے پر عمل درآمد سے متعلق رپورٹ پیش کی جائے۔

یہ بھی پڑھیں:اسموگ میں کمی، پنجاب میں آؤٹ گیٹ سرگرمیاں بحال، نوٹیفکیشن جاری

لاہور ہائیکورٹ کے جاری فیصلے میں قرار دیا گیا ہے کہ موسم سرماکی تعطیلات کے بعد عدالتی حکم پر عمل نہ کرنے والے اسکولوں کو چلنے نہیں دیا جائے گا۔

لاہور ہائیکورٹ نے فیصلے میں قرار دیا ہے کہ محکمہ ٹرانسپورٹ بھاری گاڑیوں کی باقاعدگی سے معائنہ کرے۔ محکمہ ٹرانسپورٹ گاڑیوں کےمتواتر معائنے اور ڈیٹا کے لیے پالیسی وضع کرے۔

فیصلے میں کہا گیا ہے کہ پی ایچ اے لاہور میں کونو کارپس نامی پودے کی شجرکاری بند کرکےاس کے درخت اکھاڑ دیے جائیں، اور ان پودوں کی جگہ دیسی درخت لگائے جائیں گے۔

لاہور ہائیکورٹ کے مطابق محکمہ تحفظ ماحولیات نے بتایا کہ اسٹون کرشنگ پر مکمل پابندی ہے۔

جسٹس شاہد کریم نے 2 صفحات پر مشتمل تحریری فیصلہ جاری کیا۔