خیبرپختونخوا کے سیاحتی مقام سوات کے بالائی علاقوں میں برف باری جاری ہے جس کے باعث شہری علاقوں میں سرد ہوائیں چلنے سے سردی کی شدت میں اضافہ ہوگیا ہے۔
یہ بھی پڑھیں بابوسر ٹاپ اور لولوسر جھیل برف سے سفید پوش، سیاحوں کے دل مچل اٹھے
میڈیا رپورٹس کے مطابق سوات میں بادل چھائے ہوئے ہیں، اور مختلف سیاحتی مقامات جن میں کالام، مہوڈنڈ، اتروڑ، گبرال اور شاہی باغ میں برف باری ہورہی ہے۔
سیاحتی مقامات پر برف باری کی خبر سنتے ہی سیاحوں نے کالام کا رخ کرنا شروع کردیا ہے۔
دوسری جانب بالائی علاقوں میں برف باری کے باعث سردی کی شدت میں اضافہ ہوگیا ہے۔
یہ بھی پڑھیں مری: ممکنہ برفباری کے پیش نظر سیاحوں کے لیے خصوصی ایڈوائزری جاری
ادھر محکمہ موسمیات نے ملک کے مختلف علاقوں میں 2 دسمبر تک بارش اور پہاڑوں پر برف باری کی پیش گوئی کی ہے۔
