نو منتخب امریکی صدر ڈونلڈ ٹرمپ نے اپنے حریف اور موجودہ صدر جوبائیڈن کو صدارتی اختیارات استعمال کرتے ہوئے اپنے بیٹے کے جرم کو معاف کرنے پر کڑی تنقید کا نشانہ بنایا ہے۔
عالمی خبر رساں ادارے کے مطابق امریکا کے نو منتخب صدر ڈونلڈ ٹرمپ نے کہا کہ کیا جوبائیڈن کی طرف سے اپنے بیٹے کو دی گئی معافی 6 جنوری کے ملزمان کے لیے بھی ہوگی۔ برسوں سے متعدد امریکی شہری کیپیٹل ہل عمارت پر حملے کے الزام میں یرغمال ہیں۔ کیا انہیں بھی معافی مل جائے گی۔
مزید پڑھیں: امریکی سیاست کا نیا تنازع، بیٹے ہنٹر بائیڈن کے لیے صدر جو بائیڈن کی حیرت انگیز معافی
ٹرمپ نے جوبائیڈن کو اس بات پر بھی تنقید کا نشانہ بنایا کہ انہوں نے متعدد بار اپنے بیٹے کی سزا کو معاف نہ کرنے کا اعلان کیا تھا لیکن جاتے جاتےسزا معاف کر گئے۔
یاد رہے کہ 6 جنوری 2021 کو ڈونلڈ ٹرمپ نے الیکشن میں اپنی فتح کو تسلیم نہ کرتے ہوئے ایک جذباتی تقریر کی تھی۔ اس تقریر کے بعد ٹرمپ کے حامیوں نے کیپیٹل ہل پر حملہ کرکے توڑ پھوڑ کی اور جلاؤ گھیراؤ کیا گیا۔ پولیس سے جھڑپ میں 6 سے زائد ہلاکتیں بھی ہوئی تھیں۔ اس مقدمے میں ٹرمپ کے متعدد حامیوں پر مقدمات چل رہے ہیں جبکہ ایک شخص کو سزا بھی ہوئی ہے۔
