امریکی کانگریس کی ایک کمیٹی نے اس نظریہ کی حمایت کی ہے کہ کووڈ 19 کی وبائی بیماری ایک لیبارٹری سے وائرس لیک ہونے کے باعث پھیلی تھی۔
ری پبلکن کے زیر کنٹرول ایوان نمائندگان کی منتخب ذیلی کمیٹی برائے کورونا وائرس بحران نے ایک رپورٹ میں یہ نتیجہ اخذ کیا ہے کہ کورونا وائرس ممکنہ طور پر لیبارٹری یا تحقیق سے وابستہ کسی حادثے کی وجہ سے رونما ہوا تھا۔
یہ بھی پڑھیں:کووڈ 19 کی عالمی وبا کے چینی لیب سے آغاز کا ثبوت نہیں ملا، امریکی انٹیلیجنس رپورٹ
پیر کو جاری ہونے والی 520 صفحات پر مشتمل اس رپورٹ میں، جسے مرتب کرنے میں 2 سال کا عرصہ لگا، اس وبائی مرض کے بارے میں وفاقی اور ریاستی سطح کے ردعمل کے ساتھ ساتھ اس کی ابتدا اور ویکسینیشن کی کوششوں کو بھی دیکھا گیا۔
کانگریس کو ایک خط میں پینل کے ری پبلکن چیئرمین بریڈ وینسٹرپ نے کہا کہ یہ رپورٹ امریکا اور دنیا کو اگلی وبائی بیماری کی پیش گوئی کرنے، اگلی وبائی بیماری کے لیے تیاری کرنے، اگلی وبا سے خود کو بچانے اور امید ہے کہ اگلی وبا کو روکنے میں مدد کرے گا۔
مزید پڑھیں:چینی سرکاری میڈیا کورونا کے نادرست اعدادوشمار ظاہر کر رہا ہے، ماہرین کا الزام
رپورٹ کے سرخی کے نتائج میں سے یہ تھا کہ یو ایس نیشنل انسٹی ٹیوٹ آف ہیلتھ نے وبا پھیلنے سے قبل چین کے ووہان انسٹی ٹیوٹ آف وائرولوجی میں متنازعہ ’فائدہ کے فنکشن‘ نامی تحقیق کو فنڈز فراہم کیے تھے، جو وائرس کو ان سے نمٹنے کے طریقے تلاش کرنے میں بہتر بناتی ہے۔
دسمبر 2019 میں وسطی چین کے صوبہ ہوبی میں واقع ووہان میں سب سے پہلے کووڈ19 کے کیسز کی نشاندہی کی گئی تھی، اس شہر کے بارے میں بڑے پیمانے پر یہ خیال کیا جاتا ہے کہ مذکورہ وائرس نے پہلی بار یہاں سر ابھارا تھا۔
مزید پڑھیں:خطرناک وائرس منکی پاکس سے کیسے بچا سکتا ہے؟
جس کے بعد یہ وائرس تیزی سے دنیا بھر میں پھیل گیا، جس سے 70 لاکھ سے زائد افراد ہلاک ہوئے اور عالمی معیشت میں ہنگامہ برپا ہوا کیونکہ بیشتر ممالک نے لاک ڈاؤن کا نفاذ کرتے ہوئے اپنی سرحدیں بند کر دی تھیں۔
اگرچہ امریکی وفاقی ایجنسیاں، عالمی ادارہ صحت اور دنیا بھر کے سائنسدانوں نے کووڈ19 کی ابتدا کا تعین کرنے کی کوشش کی ہے، لیکن اتفاق رائے سامنے نہیں آیا ہے۔
