پشاور ہائیکورٹ نے عمران خان کی اہلیہ بشریٰ بی بی کی 27 مقدمات میں 23 دسمبر تک راہداری ضمانت منظور کرتے ہوئے انہیں متعلقہ عدالتوں سے رجوع کرنے کی ہدایت کی ہے۔
یہ بھی پڑھیں:بشریٰ بی بی کی گرفتاری کے لیے پشاور میں موجود نیب ٹیم کا خیبرپختونخوا حکومت سے رابطہ
بشریٰ بی بی کی جانب سے دائر درخواست پر پشاور ہائیکورٹ کے جسٹس وقار احمد نے سماعت کی، بشری بی بی اپنے وکیل عالم خان کے ہمراہ عدالت میں پیش ہوئیں۔
وکیل عالم خان نے عدالت کو بتایا کہ بشری بی بی نے 27 مقدمات میں راہداری ضمانت درخواستیں دائر کی ہیں، جس پر ایڈیشنل اٹارنی جنرل نے عدالت سے استدعا کی کہ بشریٰ بی بی کو متعلقہ عدالتوں میں پیشی کا پابند کیا جائے۔
مزید پڑھیں:190 ملین پاؤنڈ ریفرنس: بشریٰ بی بی کے ناقابل ضمانت وارنٹ گرفتاری جاری
چیف جسٹس پشاور ہائیکورٹ جسٹس وقار احمد نے ریمارکس دیے کہ راہداری ضمانت اس لیے ہی دیتے ہیں کہ درخواست گزار متعلقہ عدالتوں میں پیش ہوسکیں، ان ریمارکس کے ساتھ عدالت نے بشریٰ بی بی کی راہداری ضمانت منظور کرلی۔
